އެންމެން އެ ބުނަނީ ތެދެއް، މުހިންމީ ރާއްޖެ މެޗު: ބަނގްލަދޭޝް ކޯޗު

ސާފް ޗެމްޕިއަންޝިޕް ފުޓްބޯޅަ މުބާރާތުގައި މާދަމާ ރާއްޖެއާ ދެކޮޅަށް ކުޅޭ މެޗަކީ މުބާރާތުގައި ކުޅެންޖެހޭ އެންމެ މުހިންމު މެޗު ކަމަށް ބަނގްލަދޭޝްއިން ބުނެފިއެވެ.

ކޯޗު ހާވިއާ ކަބްރޭރާ ބުނީ މި މެޗަކީ އެންމެ މުހިންމު މެޗުކަމަށް މުބާރާތުގެ ގުރު ނެގި ހިސާބުން އެންމެން ކިޔަން ފަށައިފި ކަމަށެވެ.

އޭނާ ބުނީ ރާއްޖެއާއި ބަނގްދޭޝްގެ ފުޓްބޯޅަ ތަފާތު ކަމަށެވެ. އަދި މި މުބާރާތުގައި ދެ ގައުމު ވާދަކުރަން ތައްޔާރުވާއިރު ފަހުގެ ނަތީޖާތަކުން ރާއްޖެއަށް ކުރި ލިބިފައިވިޔަސް އެކަމާ ނުވިސްނާ ކަމަށެވެ.

މި ދެ ގައުމު ވަނީ މުބާރާތުގައި މިހާތަނަށް އެއް މެޗު ކުޅެފައެވެ. ބަނގްލަދޭޝް ބަލިވީ ލެބަނަން އަތުން 2-0ންނެވެ. މި ނަތީޖާއިން ރާއްޖެ މޮޅުވީ ބޫޓާން އަތުންނެވެ. މިހެންވެ ރާއްޖެ އަތުން ބަލިވެއްޖެނަމަ ބަނގްލަދޭޝްއަށް މުބާރާތުގެ ސެމީ ފައިނަލަށް ދިއުމުގެ ދޮރު މުޅިންހެން ބަންދުވާނެއެވެ.