ޓްރާންސްޕޯޓް މިނިސްޓްރީން އޮންލައިންކޮށް ދެމުންދާ ޚިދުމަތްތައް ވަގުތީގޮތުން މެދުކަނޑާލައިފި
ޚިދުމަތް މެދުކަނޑާލީ އޮންލައިން ސިސްޓަމްތަކުގެ މެއިންޓެނަންސް މަސައްކަތެއް ކުރުމަށްޓަކައި، 24 ޖޫންއިން 01 ޖުލައިގެ ނިޔަލަށް
ޓްރާންސްޕޯޓް މިނިސްޓްރީގެ އިސް ވެރިން، ރައްޔިތުންގެ މަޖިލީހުގެ ގަވާއިދު ކޮމީޓީގެ ބައްދަލުވުމެއްގައި
މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން އޮންލައިންކޮށް ދެމުންދާ ޚިދުމަތްތައް ވަގުތީގޮތުން މެދުކަނޑާލައިފިއެވެ.
އެކަމާ ގުޅިގެން މިނިސްޓްރީން ކޮށްފައިވާ އިއުލާނެއްގައި ބުނެފައިވަނީ, މިނިސްޓްރީގެ ޚިދުމަތްތައް ފޯރުކޮށްދިނުމަށް ބޭނުންކުރާ އޮންލައިން ސިސްޓަމްތަކުގެ މެއިންޓަނަންސް މަސައްކަތެއް ކުރުމަށްޓަކައި، 24 ޖޫންއިން 01 ޖުލައިގެ ނިޔަލަށް، މިނިސްޓްރީގެ އޮންލައިން ޚިދުމަތްތައް ވަގުތީގޮތުން މެދުކަނޑާލެވޭނެ ކަމަށެވެ.
އެ މިނިސްޓްރީން ތައްޔާރުކޮށްފައިވާ އޮންލައިން ޕޭމަންޓް ޕޯޓަލް "ސަވާރީޕޭ" މެދުވެރިކޮށް އެއްގަމުގެ އުޅަނދުގެ ފީއާއި، ކަނޑުގައި ދުއްވާ އުޅަނދުގެ ފީއާއި، ޓްރެފިކް އަދި ޕާކިންގ ވަޔަލޭޝަން ޖޫރިމަނާ ދެއްކޭނެއެވެ. މީގެއިތުރުން އޮންލައިންކޮށް އުޅަނދު ރަޖިސްޓްރީކުރުމުގެ ޚިދުމަތްވެސް މިނިސްޓްރީން އަންނަނީ ދެމުންނެވެ.
