ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލް 4 ބޭފުޅަކަށް
މިއީ ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލް ދިން ފުރަތަމަ ފަހަރު
ސިފައިންގެ އަހަރީ ދުވަހު ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލް ހަވާލުކޮށްދެއްވަނީ
ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލް 4 ބޭފުޅަކަށް ދެއްވައިފިއެވެ.
މި މެޑަލް ދެއްވާފައިވަނީ ސިފައިންގެ ޚިދުމަތުގައި ދިގުމުއްދަތަކަށް ޚިދުމަތްކުރެއްވުމަށްފަހު، ޝަރަފުވެރިކަމާއެކު ރިޓަޔަރ ކުރައްވާފައިވާ 4 ބޭފުޅުންނަށެވެ. ސިފައިންގެ 131 ވަނަ އަހަރީ ދުވަހުގެ ޚާއްސަ ރަސްމިއްޔާތުގައި މެޑަލްތައް ދެއްވީ ސިފައިންގެ އެންމެ މަތީވެރިޔާ އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހެވެ.
ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލް ފުރަތަމަ ފަހަރަށް ދެއްވާފައިވާއިރު، މި މެޑަލް މިބިވަޑައިގަންނަވާފައިވަނީ ނިޝާން ޢިއްޒުއްދީން ޢިއްޒަތުގެ ވެރިޔާ، ލެފްޓިނެންޓް ޖެނެރަލް ރިޓަޔަރޑް ޢަބްދުއްސައްތާރު އާދަމް(އަމްބަރީ ޢަބްދުއްސައްތާރު) އާއި، ނިޝާން އަސްކަރީގެ ވެރިޔާ މޭޖަރ ޖެނެރަލް ރިޓަޔަރޑް، މުޙައްމަދު ޒާހިރާއި، މޭޖަރ ޖެނެރަލް ރިޓަޔަރޑް، މޫސާ ޢަލީ ޖަލީލްއާއި، މޭޖަރ ޖެނެރަލް ރިޓަޔަރޑް، އަޙްމަދު ޝިޔާމެވެ.
ނަމޫނާ އަސްކަރީ އިސް ޚިދުމަތްތެރިންގެ މަތިވެރި މެޑަލަކީ ސިފައިންގެ ޚިދުމަތުގައި އެންމެ މަތީ މަޤާމުތަކުގައި ރައްޔިތުންނަށް ޚިދުމަތްކުރައްވާ، ޝަރަފްވެރިކަމާއެކު، ސިފައިންގެ ޚިދުމަތުން ރިޓަޔަރ ކުރެއްވުމަށްފަހުގައިވެސް ދިވެހި އަސްކަރިއްޔާގެ އިސް ޚިދުމަތްތެރިއެއްގެ ގޮތުގައި ދައްކުވައިދެއްވާފައިވާ ފުރިހަމަނަމޫނާއާއި ސާބިތު ކޮށްދެއްވާފައިވާ އަސްކަރީ އަޚްލާޤު ފާހަގަކޮށް އަސްކަރިއްޔާއިން އަރުވާ ޚާއްސަ މެޑަލް އެކެވެ.
