މިސްރަށް ދާ ދިވެހިންނަށް "ވިސާ އޮން އެރައިވަލް" ދޭން އެގައުމުން ނިންމައިފި
މިއީ ރާއްޖެއާއި މިސްރާ ދެމެދު އޮތް ޚާއްސަ ގުޅުން ރަމްޒުކޮށްދޭ އަލިގަދަ ހެއްކެއް
އަމްނާ އިމާދު | 18 ޖޫން 2023 | އާދީއްތަ 16:09
ވެލާނާ އިންޓަރނޭޝަނަލް އެއާޕޯޓުގެ ޗެކިން ކުރިއަށް ދަނީ
މިސްރަށް ދާ ދިވެހިންނަށް "ވިސާ އޮން އެރައިވަލް" ދޭން އެގައުމުން ނިންމައިފިއެވެ.
އާދިއްތަ ދުވަހު ފޮރިން މިނިސްޓަރު އަބްދުﷲ ޝާހިދު ވިދާޅުވީ 14 ޖޫން 2023 އިން ފެށިގެން މިސްރަށް "ވިސާ އޮން އެރައިވަލް" ލިބޭ ގައުމުތަކުގެ ލިސްޓުގައި އަލުން ރާއްޖެ ހިމަނާފައިވާ ކަމަށެވެ.
މި ނިންމުމާއި ގުޅިގެން މިނިސްޓަރު ޝާހިދު ވަނީ މިސްރުގެ ފޮރިން މިނިސްޓަރު ސާމެހް ޝުކްރީއަށް ޝުކުރު ދަންނަވާފައެވެ.
މިއީ ދިވެހިރާއްޖެއާއި މިސްރާ ދެމެދު އޮތް ޚާއްސަ ގުޅުން ރަމްޒުކޮށްދޭ އަލިގަދަ ހެއްކެއް ކަމަށް މިނިސްޓަރު ޝާހިދު ވިދާޅުވިއެވެ.
ރާއްޖެއާ މިސްރާއި ދެމެދު ސިޔާސީ ގުޅުން ގާއިމުކޮށްފައި ވަނީ 1969 ވަނަ އަހަރެވެ.
