ވިލިނގިލިން ގެއްލިގެން ހޯދަމުން އައި މީހާ ފެނިއްޖެ
އޭނާ ގެއަށް ދިޔައީ އަމިއްލައަށް
އަމްނާ އިމާދު | 17 ޖޫން 2023 | ހޮނިހިރު 08:02
ގެއްލިގެން ހޯދަމުން ދިޔަ މީހާ
ގއ. ވިލިނގިލިން ގެއްލިގެން ހޯދަމުން އައި މީހާ ފެނިއްޖެއެވެ.
މިމަހު 15 ވީ ބުރާސްފަތި ދުވަހުން ފެށިގެން ގެއްލިގެން ހޯދަމުން ދިޔައީ އެ ރަށު ރަތްވިލާގެ އައްސަދު އަހުމަދެވެ.
ފުލުހުން ބުނީ އޭނާ ހޯދަމުން ދަނިކޮށް ހުކުރު ދުވަހުގެ ރޭ ދަންވަރު ގެއަށް ދިޔައީ އަމިއްލައަށް ކަމަށެވެ. އޭނާގެ ހާލު ރަނގަޅު ކަމަށް ވެސް ފުލުހުން ބުންޏެވެ. އަދި އިތުރު ތަފްސީލެއް ފުލުހުން ހާމަކޮށްފައިނުވެއެވެ.
އޭނާ އަކީ ރަށުގައި ބޭރު މީހުން ގޮވައިގެން ކޮންސްޓްރަކްޝަން މަސައްކަތްކުރާ މީހެކެވެ.
އައްސަދު ގެއްލިގެން ވިލިނގިލީ ރައްޔިތުންނާއި ފުލުހުން ގުޅިގެން ގިނަ މަސައްކަތްތަކެއް ކޮށްފައިވެއެވެ.
