ކްރޫސްގެ ތައުރީފް ބެލިންހަމް އަށް
15 ޖޫން 2023 | ބުރާސްފަތި 02:28ކްރޫސް ބުނީ ބެލިންހަމް އަކީ ކޮލިޓީ އާއި އުމުރަށް ބަލާފައި ގިނަ ޓީމުތަކުން ބޭނުންވި މޮޅު ކުޅުންތެރިއެއް ކަމަށް
ޓޯނީ ކްރޫސް
ބުދަ ދުވަހު ޖޫޑް ބެލިންހަމް ރެއާލް މެޑްރިޑަށް ބަދަލުވުމުން ޓޯނީ ކްރޫސް އޭނާއަށް ތައުރީފްކޮށްފިއެވެ.
ބެލިންހަމް ރެއާލް އާ ގުޅުނު ޚަބަރު ލިބުމުން އުފާވަނީ ހަމައެކަނި ކްލަބުގެ ސަޕޯޓަރުންނެއް ނޫނެވެ. ޓީމުގެ އެންމެ ތަޖުރިބާކާރި އެއް ކުޅުންތެރިޔާ ޓޮނީ ކްރޫސް ވެސް ރެއާލްމެޑްރިޑްގައި ބެލިންހަމް ކުރިއަށްދާ ގޮތް ބަލަން ހުރީ އިންތިޒާރުގައެވެ.
ކްރޫސް ބުނީ ބެލިންހަމް އަކީ ކޮލިޓީ އާއި އުމުރަށް ބަލާފައި ގިނަ ޓީމުތަކުން ބޭނުންވި މޮޅު ކުޅުންތެރިއެއް ކަމަށެވެ. އަދި ޑޯޓްމަންޑުގައި ވެސް ބެލިންހަމް މޮޅު ކުޅުމެއް ދައްކާފައިވާކަމަށް ކްރޫސް ބުންޏެވެ.
ބެލިންހަމް ގެންނަން ރެއާލް މެޑްރިޑަށް 134 މިލިއަން ޔޫރޯ އާ ހަމައަށް ހަރަދުވާއިރު އެއީ 2019 ވަނަ އަހަރު އެޑެން ހަޒާޑަށް ދައްކަން ޖެހޭ ފީއާ ދާދި އެއްވަރެކެވެ. ކްރޫސް އުއްމީދު ކުރަނީ ބޮޑު ފީއެއް ނެގި ނަމަވެސް އިނގިރޭސި ކުޅުންތެރިޔާ ކްލަބުގައި ހޭދަކުރާ ދުވަސްތައް މާ ކާމިޔާބުވާނެ ކަމަށެވެ.
ރެއާލް މެޑްރިޑުން މަސައްކަތް ކުރަނީ ޓީމު އިތުރަށް ޒުވާން ކުރުމަށެވެ. ބެލިންހަމް އަކީ އެ މަގުސަދުގައި ގެނައި މޮޅު ކުޅުންތެރިއެކެވެ.
