މެންޗެސްޓަރ ސިޓީ ދޫކޮށް ޗެލްސީއަޑް ބަދަލުވި އިނގިރޭސި ފޯވާޑް ރަހީމް ސްޓާލިންގއަށް ޗެލްސީގެ ކޯޗު ތޯމަސް ޓުޗެލް ވަރަށްބޮޑަށް ތައުރީފް ކޮށްފިއެވެ.
ފަސް އަހަރުގެ އެއްބަސްވުމެއްގެ ދަށުން ސްޓާލިންގ ޗެލްސީއަށް ބަދަލުވުމާ ގުޅިގެން ޓްޗެލް ބުނީ އެއީ ޗެލްސީއަށް ބޭނުންވާ ފެންވަރުގެ ކުޅުންތެރިއެއްކަމަށެވެ. އަދި ސްޓާލިންގއަށް ޗެލްސީ ޗެލްސީގެ ގޮތުގައި ބާއްވަން އެހީވެވޭނެކަމަށެވެ. މެންޗެސްޓަރ ސިޓީއާއި, ލިވަޕޫލާ ގާތުގައި އޮތުމަށް ސްޓާލިންގއަށް އެހީވެވޭނެކަމަށް ޓުޗެލް ބުންޏެވެ. 27 އަހަރުގެ ފޯވާޑާ ގުޅޭގޮތުން ޓުޗެލް ބުނީ އެއީ ޗެލްސީއަށް ލިބުނު ބޮޑު "އެސެޓެއް" ކަމަށެވެ.
އެއީ މިދިޔަ ސީޒަންގައިވެސް އިނގިރޭސި ފުޓްބޯޅައިގެ ނުފޫޒުގަދަ ކުޅުންތެރިއެއް. ޒުވާން ކުޅުންތެރިން ގޮވައިގެން ޒިންމާ ނަގަންވެސް އޭނާ (ސްޓާލިން) އެހުރީ އެންމެ ރަނގަޅު އުމުރުގައި. މިސާލަކަށް ބަލަން އެއީ ރަނގަޅު ކުޅުންތެރިއެއްތޯމަސް ޓުޗެލް/ ޗެލްސީގެ ކޯޗު
ސްޓާލިންގެ ކުޅުމުގެ ސްޓައިލާއި, އިންޓެންސިވިޓީއަށްވެސް ޓުޗެލް ވަނީ ވަރަށްބޮޑަށް ތައުރީފްކޮށްފައެވެ. ޓުޗެލް ފާހަގަކުރި ގޮތުގައި ސްޓާލިންގއަކީ އިނގިރޭސި ލީގުގެ ބްރޭންޑެކެވެ. އަދި އެއީ ޗެލްސީއަށް ބޭނުންވާ ފެންވަރުގެ ކުޅުންތެރިއެކެވެ. ޓުޗެލްގެ އެންމެ ބޮޑު ވިސްނުމެއް މިހާރު ހުރީ ޓީމްގެ ޑިފެންސް ވަރުގަދަކުރުމަށެވެ. އާސީޒަނަށް ތައްޔާރުވުމަށް ޗެލްސީން ތަމްރީނު ހަދަމުން ދަނީ އެމެރިކާގައެވެ.
