އަލިއާ ކޮތައިފަރު މޯލްޑިވްސް ރިސޯޓުގެ މުވައްޒަފުންނަށް ހިންގި އިންޑަސްޓްރިއަލް ފަޔަރ ބްރިގޭޑް ކޯސް ނިންމާލައިފި
ކޯސް ކުރިއަށް ގެންދިޔައީ 4 ދުވަހަށް
އަލިއާ ކޮތައިފަރު މޯލްޑިވްސް ރިސޯޓުގެ މުވައްޒަފުންނަށް ހިންގި އިންޑަސްޓްރިއަލް ފަޔަރ ބްރިގޭޑް ކޯހުގެ ތެރެއިން
އަލިއާ ކޮތައިފަރު މޯލްޑިވްސް ރިސޯޓުގެ މުވައްޒަފުންނަށް ހިންގި އިންޑަސްޓްރިއަލް ފަޔަރ ބްރިގޭޑް ކޯސް ނިންމާލައިފިއެވެ.
10 ޖޫން އިން 13 ޖޫންގެ ނިޔަލަށް، އެމްއެންޑީއެފް ފަޔަރ އެންޑް ރެސްކިޔު ޓްރޭނިންގ ސްކޫލުގައި ކުރިއަށްގެންދިޔަ މި ކޯހުގައި އެ ރިސޯޓުގެ 10 މުވައްޒަފުން ބައިވެރިވިއެވެ.
މި ތަމްރީނުގައި އަލިފާނުގެ ހާދިސާއެއް ހިނގައިފިނަމަ ޢަމަލު ކުރަން ޖެހޭނެ ގޮތްތަކާއި އަލިފާން ނިއްވުމަށް ބޭނުންކުރާ ސާމާނުތައް ބޭނުންކޮށްގެން އަލިފާން ނިއްވާނެ ގޮތްތައް ދަސްކޮށްދީފައިވެއެވެ. މި ތަމްރީނު ކޯހަކީ ރިސޯޓުތަކުގައި ޤާއިމުކުރެވޭ އިންޑަސްޓްރިއަލް ފަޔަރ ސްކޮޑުގެ މުވައްޒަފުންނަށް އަލިފާން ނިއްވުމުގެ މަސައްކަތް ކުރެވޭ ފެންވަރަށް ޢިލްމާއި ހުނަރު އުނގަންނައިދީ، ތަމްރީނު ކުރުމަށް ހިންގި ކޯހެކެވެ.
މި ކޯހުގައި ކިޔަވައިދެއްވާފައިވަނީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ މުދައްރިބުންނެވެ. އަދި ކޯހުގެ ނިންމުމުގެ ރަސްމިއްޔާތުގައި ބައިވެރިން ވަނީ އަލިފާނުގެ ހާދިސާއެއް ހިނގައިފިނަމަ ހަރަކާތްތެރިވާނެ ގޮތުގެ ފަރިތަކުރުންތަކެއް ދައްކާލާފައެވެ.
