އެމްޑީޕީގެ ކެމްޕެއިން ކުރިއަށް ގެންދާނެ ގޮތާއި ގުޅޭ ގޮތުން މިނިސްޓަރ ޝާހިދު ޓީމުތަކާ މަޝްވަރާ ކުރައްވައިފި
ޝާހިދަކީ ހއ. އަތޮޅު، ހދ. އަތޮޅު އަދި ށ. އަތޮޅުގެ ކޯޑިނޭޓަރު
އެމްޑީޕީގެ ކެމްޕެއިން ކުރިއަށް ގެންދާނެ ގޮތާއި ގުޅޭ ގޮތުން މިނިސްޓަރ ޝާހިދު ޓީމުތަކާ މަޝްވަރާ ކުރައްވައިފި
ރިޔާސީ އިންތިޚާބުގެ ކެމްޕެއިން ކުރިއަށް ގެންދާނެ ގޮތާއި ގުޅޭ ގޮތުން ފޮރިން މިނިސްޓަރ އަބްދުﷲ ޝާހިދު އެމްޑީޕީގެ ޓީމުތަކާ ބައްދަލު ކުރައްވައި މަޝްވަރާ ކުރައްވައިފިއެވެ.
މި މަޝްވަރާ ބައްދަލުވުންތައް ކުރިއަށް ގެންގޮސްފައިވަނީ ހޮނިހިރު ދުވަހު އެމްޑީޕީ އޮފީހުގައެވެ. އެގޮތުން މިނިސްޓަރ ޝާހިދު ވަނީ ހއ. ބާރަށް، ށ.ކަނޑިތީމު، ށ. ފޮނަދޫ، ހދ. ވައިކަރަދޫ، ހދ. ނޮޅިވަރަމް، އަދި ހއ. ދިއްދޫ ދާއިރާގެ ކެމްޕެއިން ޓީމްތަކާ ބައްދަލު ކުރައްވާފައެވެ.
މިނިސްޓަރ މި ބައްދަލުވުން ކުރިއަށް ގެންދަވާފައިވަނީ ހއ. އަތޮޅު، ހދ. އަތޮޅު އަދި ށ. އަތޮޅުގެ ކޯޑިނޭޓަރުގެ ޙައިސިއްޔަތުންނެވެ.
މިނިސްޓަރ ވަނީ ރިޔާސީ އިންތިހާބަށް ތައްޔާރުވުމުގެ ގޮތުން އެ ދާއިރާތަކުގެ ކެމްޕެއިން ޓީމްތަކާއި ބައްދަލު ކުރައްވައި، ކެމްޕެއިން ކުރިއަށް ގެންދާނެ ގޮތާއި ގުޅޭ ގޮތުން މަޝްވަރާ ކުރައްވާފައެވެ.
ކުރިއަށް އޮތް ރިޔާސީ އިންތިޚާބު ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ)އަށް މުހިންމުވަނީ މިސަރުކާރުން ރައްޔިތުންނަށް ގެނެސްދީފައިވާ ހެޔޮ ބަދަލުތަކާއި، ސިޔާސަތުތައް އިތުރަށް ތަންފީޒު ކުރުމަށް ކަމަށް އެޕާޓީން ވަނީ ބުނެފައެވެ.
މިއަހަރުގެ ރިޔާސީ އިންތިޚާބު އޮންނާނީ 9 ސެޕްޓެމްބަރުގައެވެ. އަދި ދެވަނަ ބުރެއް ބާއްވަން ޖެހިއްޖެނަމަ ބާއްވާނީ 30 ސެޕްޓެމްބަރުގައެވެ. މިއަހަރު ބާއްވާ ރިޔާސީ އިންތިޚާބުގައި 282،755 މީހުންނަށް ވޯޓުލުމުގެ ހައްގު ލިބިފައިވެއެވެ.
