މަޖީދީ މަގުގައި މާރާމާރީއެއް ހިންގައިފިއެވެ.
ހުކުރު ދުވަހުގެ ރޭ 11 ޖަހާ އެހާކަންހާއިރު ހިންގި މާރާމާރީ އަކީ ދެ ގްރޫޕެއްގެ ދެމެދުގައި ހިންގި މާރާމާރީއެއްކަމަށް މައުލޫމާތު ލިބެއެވެ. މިކަން ހިނގާފައިވަނީ މަޖީދީ މަގު ޑައިނަމޯ ހުންނަ ސަރަހައްދުގައެވެ. މިމާރާމާރީ ހުއްޓުވުމަށް ފުލުހުން މަސައްކަތްކޮށްފައިވާއިރު ބަޔަކު ހައްޔަރުކޮށްފައިވެއެވެ. މި މައްސަލައިގައި ހައްޔަރުކުރީ ކިހާ އަދަދެއްގެ މީހުންނެއްކަމެއް އަދި މިކަން ހިނގި ސަބަބެއް އަދި ފުލުހުން ހާމައެއްނުކުރެއެވެ.
Advertisement
އެސަރަހައްދުގެ މަގުމަތިން ކަތިވަޅިއެއް ފެނިފައިވާއިރު މަންޒަރުދުށް ބައެއް މީހުން "ރާއްޖެއެމްވީ" އަށް މައުލޫމާތު ދެމުން ބުނީ އެކަކު އަނެކެއްގެ ގައިގައި ކަތިވަޅިން ޖަހަން މަސައްކަތްކުރިކަމަށެވެ. އަދި ސަރަހައްދު ކޮންޓްރޯލްކުރުމަށް ފުލުހުން ޕެޕަރސްޕްރޭވެސް ޖެހިކަމަށް މީހުން ބުނެފައިވެއެވެ.
