ފުރަތަމަ ފަހަރަށް މާލޭގައި އީވީ ބަސް ޗާރޖްކުރާ ސްޓޭޝަނެއް ގާއިމްކޮށްފިއެވެ.
ބުރާސްފަތި ދުވަހު، އީވީ ބަސް ޗާޖިންގ ސްޓޭޝަން އިފްތިތާހުކުރުމަށްޓަކައި ޚާއްސަ ހަފްލާއެއް ވަނީ ބާއްވާފައެވެ.
މި ރަސްމިއްޔާތުގައި މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން އާއިޝަތު ނަހުލާއާއި ޖަޕާން އެމްބެސެޑަރ ތަކޭޗީ މިޑޯރީއާއި، ރާއްޖެއަށް ކަނޑައަޅާފައިވާ ޔޫއެންޑީޕީގެ ސަފީރު އެންރިކޯ ގަވެގްލިއާގެ އިތުރުން އެމްޓީސީސީގެ ސީއީއޯ އާދަމް އާޒިމް ބައިވެރިވެވަޑައިގެންނެވިއެވެ.
އެ ބޭފުޅުން ވަނީ ބުރާސްފަތި ދުވަހު ހަވީރު ބަހުގެ ޚިދުމަތް ތަޖުރިބާކޮށްލައްވާފައެވެ.
އީވީ ބަސް ޗާޖިންގ ސްޓޭޝަންގެ ޚިދުމަތް 2 ޖޫން ވާ ހުކުރު ދުވަހުން ފެށިގެން ލިބޭނެއެވެ.
އާރްޓީއެލް ބަހުގެ ޚިދުމަތް ފުޅާކޮށް، ދަތުރުފަތުރުގެ ނިޒާމް ހަރުދަނާކުރުމަށް ސަރުކާރުން ދަނީ މަސައްކަތް ކުރަމުންނެވެ.
