ޖަލުގައި ބަންދުކޮށްފައިވާ ދެ މީހުންނަށް ކައިވެނި ކުރެވޭނީ އޭގެ ތެރެއިން އެކަކު ޖަލުން މިނިވަންވުމުން
ކައިވެނި ކުރުމުގެ ފުރުޞަތު ދެވޭނ،ީ ބަންދުކޮށްފައިވާތާ 6 މަސްދުވަސް ވެފައިވާ ޤައިދީންނަށް
މޯލްޑިވްސް ކަރެކްޝަނަލް ސަރވިސް
ޙުކުމް ތަންފީޛުކުރާ މީހުން ކައިވެނިކުރުމާބެހޭ ގަވާއިދަށް އަމަލުކުރަން ފަށައިފިއެވެ.
މި ގަވާއިދަކީ ދިވެހިރާއްޖޭގެ ޖަލުތަކާއި ޕެރޯލްގެ ޤާނޫނުގެ ދަށުން ބާރު ލިބިގެން އެކުލަވައިލައިފައިވާ ޙުކުމް ތަންފީޛުކުރާ މީހުން ކައިވެނިކުރުމާބެހޭ ގަވާއިދެވެ. އެގޮތުން މި ގަވާއިދުގެ މަގުސަދަކީ މޯލްޑިވްސް ކަރެކްޝަނަލް ސަރވިސްގެ ބެލުމުގެ ދަށުގައި ތިބޭ ޤައިދީންނާއ،ި ބަންދުކޮށްފައިވާ މީހުން ކައިވެނިކުރުމުގެ ފުރުޞަތު ދިނުމަށް ޓަކައި ކައިވެނިކުރުމުގެ އިންތިޒާމުތައް ހަމަޖައްސާނެ އުސޫލުތައް ބަޔާންކުރުމެވެ.
މި ގަވާއިދުގެ ދަށުން ކައިވެނި ކުރުމުގެ ފުރުޞަތު ދެވޭނ،ީ އެ ސަރވިސްގެ ބެލުމުގެ ދަށުގައިވާ ޖަލުތަކުގައި ބަންދުކޮށްފައިވާތާ 6 މަސްދުވަސް ވެފައިވާ ޤައިދީންނަށާއ،ި ބަންދުކޮށްފައިވާ މީހުންނަށެވެ. ނަމަވެސް އެއީ ޖަލުގައި ބަންދުކޮށްފައިވާ ދެ މީހުން ކަމުގައިވާނަމަ، އެ ދެ މީހުންނަށް ކައިވެނިކުރުމުގެ ފުރުޞަތު ދެވޭނ،ީ އޭގެ ތެރެއިން އެކަކު ޖަލުން މިނިވަން ވުމުންނެވެ.
އޭގެ އިތުރުން، ގޭގައި ބަންދުކޮށްފައި ހުންނަ ޤައިދީއެއްނަމަ، އޭނާގެ މައްޗަށް ޙުކުމެއް ކަނޑައެޅި ތާރީޚުން ފެށިގެނ،ް މި ގަވާއިދުގެ ދަށުން ކައިވެނިކުރުމުގެ ފުރުޞަތު ދެވޭނެއެވެ.
ޤައިދީ ނުވަތަ ބަންދުކޮށްފައިވާ މީހާއާ ކައިވެނިކުރުމުގެ އިންތިޒާމު ހަމަޖައްސައިދިނުމަށް އެދި މޯލްޑިވްސް ކަރެކްޝަނަލް ސަރވިސްއަށް ސިޓީއެއް ހުށަހަޅަން ޖެހެއެވެ. އަދ،ި ކައިވެނިކުރާ އަންހެނާ މި ސިޓީ ހުށަހަޅާނަމަ، ސިޓީއާއެކު ވަލީވެރިޔާގެ އިޢުތިރާޟެއް ނެތްކަމުގެ ލިޔުން ހުށަހަޅަން ޖެހެއެވެ.
ކައިވެނިކުރުމުގެ އިންތިޒާމު ހަމަޖައްސައިދިނުމަށް އެދި ޤައިދީ ނުވަތަ ބަންދުކޮށްފައިވާ މީހާ މޯލްޑިވްސް ކަރެކްޝަނަލް ސަރވިސްއަށް ސިޓީ ހުށަހެޅުމުނ،ް 7 ދުވަހުގެ ތެރޭގައި އެ ޤައިދީ ނުވަތަ ބަންދުކޮށްފައިވާ މީހާ ކައިވެނިކުރުމަށް އެދި ހުށަހެޅުމުގެ ފުރުޞަތު ދޭންވާނެކަމަށް ޤަވާއިދުގައި ބަޔާންކޮށްފައިވެއެވެ.
ކައިވެނިކުރުމުގެ އިންތިޒާމު ހަމަޖެއްސުމުގެ ހުއްދަ ދިނުމުނ،ް ކައިވެނިކުރުމަށް ހަމަޖައްސައިފައިވާ ދެ މީހުންގެ ކައިވެނިކުރެވޭނީ ފެމެލީ ކޯޓުގައި ނުވަތަ އެ ޤައިދީ ނުވަތަ ބަންދުކޮށްފައިވާ އެ މީހާ ހުރި ޖަލެއް ޤާއިމުކޮށްފައިވާ ރަށެއްގެ މެޖިސްޓްރޭޓް ކޯޓުގައެވެ. އަދި ޤައިދީއަކު ނުވަތަ ބަންދުކޮށްފައިވާ މީހަކު ކައިވެނިކުރުމަށް ހިނގާ ޚަރަދު ހަމަޖައްސާނ،ީ އެ ޤައިދީއަކު ނުވަތަ ބަންދުކޮށްފައިވާ މީހަކު އަމިއްލައަށްކަމަށް ވެސް ޤަވާއިދުގައި ބުނެއެވެ.
