މަޖީދީމަގު ޑިލައިޓް ފިހާރަ ހުންނަ އިމާރާތުގެ މަތީގައި ރޯވި އަލިފާންގަނޑު ކޮންޓްރޯލްކޮށްފިއެވެ.
މިއަދު މެންދުރުފަހު 15:39 އެހާއިރު ޑިލައިޓް ފިހާރަ ހުންނަ އިމާރާތުގައި އަލިފާނުގެ ހާދިސާއެއް ހިނގައިގެން ކަމާގުޅޭ އިދާރާތަކަށް ވަނީ ރިޕޯޓުކޮށްފައެވެ.
އެމްއެންޑީއެފުން ބުނީ ހާދިސާގެ ރިޕޯޓު ލިބުމާއެކު އެމްއެންޑީއެފް ފަޔަރ އެންޑް ރެސްކިއު ސަރވިސްއިން އެ ސަރަހައްދަށް އެޓެންޑުވެފައިވާކަމަށެވެ. އަަލިފާނުގެ ހާދިސާ ހިނގާފައިވަނީ އެ އިމާރާތުގެ 5 ވަނަ ފަންގިފިލާގައެވެ.
މި އަލިފާންގަނޑު މިހާރު ވަނީ ކޮންޓްރޯލްކޮށްފައެވެ.
މި ހާދިސާއާ ގުޅިގެން ފުލުހުން ބުނީ, ހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށެވެ. އަދި ހާދިސާއާ ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ބުނެފައިވެއެވެ.
