ކޭޕާކް ފްލެޓްތަކުގެ މައްސަލަ: ޝަކުވާތައް ދަނީ ބަލަމުން، އަހަރު ފަހުކޮޅު ފްލެޓްތައް ދިނުމަށް މަސައްކަތްކުރަނީ
ކުންފުނީގެ ހިންގުމަށް ޙަސަން މަމްދޫޙުގެ ފަރާތުން ކުރިމަތިކުރުވި ހުރަސްތައް ނައްތާލެވިފައިވާ ކަމަށް ކުންފުނިން ބުނޭ
ކޭ-ޕާކް މައްސަލާގައި ތުހުމަތުކުރެވޭ އާބަންކޯގެ މުވައްޒަފަކު ސަސްޕެންޑްކޮށްފި
ކޭޕާކް ފްލެޓްތަކާއި ގުޅިގެން ހުށަހެޅި ޝަކުވާގެ ސައްހަކަން ބަލަމުންދާ ކަމަށާއި، ކުރިން ކަނޑައެޅި ގޮތަށް މި އަހަރު ފަހު ކުއާޓާގައި ފްލެޓްތައް ދިނުމަށް މަސައްކަތް ކުރަމުންދާ ކަމަށް، އެ ފްލެޓްތަކުގެ މަސައްކަތްކުރަމުންދާ ހަަމްބޯ ކޮމްޕެނީ ޕްރައިވެޓް ލިމިޓެޑުން ބުނެފިއެވެ.
އެކުންފުނިން ނެރުނު ބަޔާނެއްގައި ބުނެފައި ވަނީ އެ ކުންފުނީގެ ފަރާތުން ތަރައްޤީ ކުރަމުންދާ "ކޭޕާކް" ރެސިޑެންސް ގެ އެޕާޓްމަންޓްތައް ކުންފުންޏަށް އެނގުމެއްނެތި ވިއްކާފައިވާތީ އާއި ވިއްކުމުގެ މުޢާމަލާތުގައި ކުންފުނީގެ މެނޭޖިންގ ޑިރެކްޓަރުގެ ސޮއި ފޯޖުކޮށްގެން ހިންގާފައިވާ މުޢާމަލާތްތަކުގެ ޞައްޙަކަން ކަށަވަރުކުރުމުގެ މަސައްކަތް ކުރަމުންދާ ކަމަށެވެ.
ހަމައެހެންމެ ކުންފުނީގެ ހިންގުމަށް ޙަސަން މަމްދޫޙުގެ ފަރާތުން ކުރިމަތިކުރުވި ހުރަސްތައް ނައްތާލެވިފައިވާތ،ީ ކުންފުނީގެ ފަރާތުން ކުރީގައިވެސް އިޢުލާނުކޮށްފައިވާ ގޮތަށް މިއަހަރުގެ ފަހު ކުއާޓާގައި ކަސްޓަމަރުންނާ ފްލެޓް ހަވާލުކުރުމުގެ މަސައްކަތް ކާމިޔާބު ކަމާއެކު ނިންމާލުމަށްޓަކައ،ި ކޯޓާ އިތުރުކޮށް ލޭބަރުން ގެނައުމަށް ކުންފުނީގެ ފަރާތުން ފާސްކުރަންޖެހޭ ކަންކަން ފާސްކޮށް ދައުލަތުގެ އިދާރާތައް މެދުވެރިކޮށް އެކަންކަން ކުރަމުންދާ ކަމަށް އެ ކުންފުނިން ވަނީ ބުނެފައެވެ.
އެގޮތުން ކުރި މަސައްކަތުގެ ދަށުން މިހާތަނަށް ކުންފުނީގެ ފަރާތުން މި މައްސަލައިގައި ކުރެވިފައިވާ މަސައްކަތްތަކާ ގުޅޭގޮތުން މަޢުލޫމާތު ދިނުމުގެ ބައްދަލުވުމެއް 16 މެއި 2023 ގައި ބާއްވާފައިވާ ކަމަށް އެ ކުންފުނިން ވަނީ ބުނެފައެވެ. އަދި އެ ބައްދަލުވުމުގައި ބައިވެރިވެވަޑައިގެންނެވި ބޭފުޅުންނަށް ތަފްޞީލީ ގޮތެއްގައި މައްސަލައިގެ މަޢުލޫމާތު ޙިއްސާކޮށްދިން ކަމަށް ހަމްބޯ ކުންފުނިން ބުނެއެވެ. އަދި މި ބައްދަލުވުމަށް ހާޟިރުވި ފަރާތްތަކާއި ކުންފުންޏަށް ލިޔެކިޔުންތައް ޙިއްޞާކޮށްދެއްވި ބޭފުޅުން ހިމެނޭގޮތުން ގަވާއިދުން މަޢުލޫމާތު ބަދަލުކުރެވެމުންދާ ކަމަށް ވެސް ވަނީ ބުނެފައެވެ.
އެ ކުންފުނިން ބުނީ ކޭޕާކް ޕްރޮޖެކްޓާ ގުޅިގެން މިހާތަނަށް ކުރިމަތިވި އެންމެ ބޮޑު ގޮންޖެހުމަކީ ކުންފުނީގެ ބޯޑު ބައްދަލުވުން ބޭއްވުމަށް ޙަސަން މަމްދޫޙުގެ ފަރާތުން ކުރިމަތިކުރުވި ގޮންޖެހުންތައް ކަމަށެވެ. އެހެންނަމަވެސ،ް އޭނާގެ ފަރާތުން ކުރިމަތިކުރުވި ހުރަސްތައް މިހާރު ވަނީ ނައްތާލެވިފައި ކަމަށް އެ ކުންފުނިން ބުންޏެވެ. އެ ހުރަސްތައް ނައްތާލުމަށް ގެނައި ބަދަލުތަކަކީ ކުންފުނީގެ ޙިއްސާ އަށް ބަދަލުތަކެއް ގެނައުމާއި، އާ ޙިއްސާދާރެއް އިތުރުކުރުމާއި ކުންފުނީގެ ބޯޑަށް ޑިރެކްޓަރަކު އިތުރުކުރުމެވެ.
ހަމްބޯ ކުންފުނިން ބުނީ މިކަމުގެ ސަބަބުނ،ް ކޭޕާކް ޕްރޮޖެކްޓާ ގުޅިގެން އެ ކުންފުނީގެ ފަރާތުން އެޗ.ްޑ.ީސީ އަދި ދައުލަތުގެ ކަމާބެހޭ އިދާރާތައް މެދުވެރިކޮށް ކުރަންޖެހޭ މަސައްކަތް ބާރުދުވެލީގައި ކުރެވޭނެ ކަމަށް ގަބޫލުކުރާ ކަމަށެވެ. މީގެ އިތުރުން މިހާރު މީގެ ކުރިން ކޭޕާކް ފްލެޓްތަކާއި މެދު ޝަކުވާ ހުށަހެޅި ފަރާތްތަކުގެ މަޢުލޫމާތުގެ ޞައްޙަކަން ކަށަވަރުކުރަމުންދާ ކަަމަށް އެ ކުންފުނިން ވަނީ ބުނެފައެވެ. އެހެންނަމަވެސް މަމްދޫޙުގެ ފަރާތުން ކުންފުނީގެ ލިޔެކިޔުންތައް ހިފަހައްޓައި އެލިޔުންތައް ލިބިފައިނުވާތީ އާއި ތަޙްޤީޤަށް އެއްބާރުލުންނުދީ ހެކި ނައްތާލުމަށް މަސައްކަތްކޮށްފައިވުމުގެ ސަބަބުން ދައުލަތުގެ ކަމާބެހޭ އިދާރާތަކަށްވެސް އެ ލިޔެކިޔުންތައް ފުރިހަމައަށް ލިބިފައި ނުވާކަމަށް އެ ކުންފުނިން ބުނެއެވެ. އެހެންކަމުން ލިޔެކިޔުންތަކުގެ ޞައްޙަކަން ކަށަވަރުކުރުމުގެ މަސައްކަތަށް ގިނަގޮންޖެހުންތައް ހުރުމާއެކު އެކުންފުނީގެ ފަރާތުން އެދެނީ ދިވެހި ފުލުހުންގެ ޚިދުމަތުން އެދިފައިވާ ފަދައިން އެ އިދާރާއަށް ރިޕޯޓުކޮށް މަޢުލޫމާތު ޙިއްސާކޮށްދިނުމަށް ކަމަށް އެ ކުންފުނިން ވަނީ ބުނެފައެވެ.
އެހެންކަމުން ޝަކުވާ ހުށަހެޅުމުގެ ފުރުޞަތު އަލުން ހުޅުވާލުމަށް ކުންފުނީގެ ބޯޑުން ނިންމާފައިވާ ކަމަށާއި ކޭ -ޕާކް ރެސިޑެންސް އާ ގުޅޭގޮތުން ޝަކުވާއެއް އޮތްނަމަ އެ ޝަކުވާ ހުށަހެޅުމަށް 25 މެއި 2023 އިން ފެށިގެން 30 ދުވަހުގެ މުއްދަތެއް ދޭން ނިންމާފައިވަ ކަމަށް އެ ކުންފުނިން ވަނީ ބުނެފައެވެ. ކޭޕާކް މައްސަލާގައި އެ ކުންފުނި ތަމްސީލުކުރުމަށް އެކުންފުނީގެ ބޯޑުން ކަނޑައަޅައި ޢައްޔަންކޮށްފައިވަނީ ލޯކްރާފްޓް ލޯފަރމް ކަމުގައިވާތ،ީ އެލޯފަރމްގެ އީމެއިލް mv.lawcraft@ask އަށް ޝަކުވާ ހުށަހެޅުމަށް އެ ކުންފުނިން ވަނީ އެދިފައެވެ.
އެ ކުންފުނިން ވަނީ މިހާތަނަށް ގިނަ ޢަދަދެއްގެ ކަސްޓަމަރުންގެ ފަރާތުން މަޢުލޫމާތު ޙިއްސާކޮށްފައިވާތީ އެކަމަށް ޝުކުރު އަދާކޮށްފައެވެ. އަދި އެކުންފުންޏާއެކު މުޢާމަލާތު ކޮށްފައިވާ ފަރާތެއްވާނަމަ މި އިޢުލާނުގައިވާ މުއްދަތުގައި އެކަން ޙިއްސާކޮށްދެއްވުމަށް އެދިފައިވެއެވެ.
