ޕެލޭއަށް ހާއްސަ ދަނޑެއް ބާއްވައިދިނުމަށް ފީފާއިން އެދިއްޖެ

ދުނިޔޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ ކަމަށް ގިނަ ބަޔަކު އެއްބަސްވާ ބްރެޒިލްގެ ޕްލޭގެ ޝަރަފުގައި، ދުނިޔޭގެ ކޮންމެ ގައުމެއްގައިވެސް އޭނާގެ ނަން ދީފައިވާ ދަނޑެއް ބޭއްވުމަށް ފީފާއިން ގޮވާލައިފިއެވެ.

އުމުރުން 82 އަހަރުގައި މިދިޔަ ޑިސެމްބަރު 29ގައި ޕްލޭ މަރުވުމާގުޅިގެން ފީފާގެ ރައީސް ޖިއާނީ އިންފަންޓީނޯ މިކަމަށް އެދުނީ، މިދިޔަ މަހު ރުވާންޑާގެ ކިގަލީގައި ބޭއްވި ފީފާގެ 73 ވަނަ އަހަރީ އާއްމު ޖަލްސާގައެވެ.

އޭގެ ކުރިން އޭނާ ވަނީ ރުވާންޑާގައި ޕެލޭއަށް ހާއްސަކުރި ކިގަލި ޕެލޭ ފުޓްބޯޅަ ދަނޑު ހުޅުއްވައިދެއްވައި، ހާއްސަ މެޗެއްވެސް ކުރިއަށް ގެންދަވާފައެވެ.

ފީފާގެ 211 މެމްބަރު ގައުމުގެ ތެރެއިން، އުތުރު ކޮރެޔާއާއި ލަންކާފަދަ މަދު ގައުމުތަކެއް ފިޔަވައި، ބޭއްވި ކޮންގްރެސްގެ ތެރޭގައި އިންފަންޓީނޯ ވަނީ ކޮންމެ ގައުމެއްގައިވެސް ކޮންމެވެސް އެއް ސްޓޭޑިއަމަކަށް ޕެލޭގެ ނަން ދިނުމަށް އެދިވަޑައިގެންފައެވެ. މިގޮތުން ރާއްޖޭގެ ޕެލޭ ސްޓޭޑިއަމް ކަމަށް އެފްއޭއެމުން ހަމަޖައްސާފައިވަނީ އދ. މަހިބަދޫގައި ސަރުކާރުން ތައްޔާރުކޮށްފައިވާ ޓާފް ދަނޑެވެ. މިކަން ފާހަގަކުރުމަށް މަހިބަދޫ ޓީމާއި ގައުމީ ޓީމު މިއަދު ހަވީރު އެރަށުގައި ޕެލޭ ސްޓޭޑިއަމުގައި މެޗެއްވެސް ކުޅޭނެކަމަށް މަހިބަދޫ ކައުންސިލުން ވަނީ އިއުލާނުކޮށްފައެވެ.

ބްރެޒިލަށް ތިން ފަހަރެއްގެ މަތީން ވޯލްޑްކަޕް ކާމިޔާބުކޮށްދިން ޕެލޭ ލއަކީ މި ކާމިޔާބީ ހޯދި ހަމައެކަނި ކުޅުންތެރިޔާއެވެ. އަދި ފީފާއިން ހޮވި މިދިޔަ ގަރުނުގެ އެންމެ މޮޅު ދެ ކުޅުންތެރިންގެ ތެރެއިން އެއް ކުޅުންތެރިޔާއެވެ.