ސާފަށް ތައްޔާރުވާން ދިވެހިން ޖަޕާނަށްދަނީ

އަންނަ މަހު އިންޑިޔާގައި ފަށާ ސާފް ޗެމްޕިއަންޝިޕް ފުޓްބޯޅަ މުބާރާތަށް ތައްޔާރުވާން ރާއްޖޭގެ ގައުމީ ފުޓްބޯޅަ ޓީމު ޖަޕާނަށް ދާން ހަމަޖައްސައިފި އެވެ.

ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް)ގެ ނައިބް ރައީސް އަލީ އުމަރު ވިދާޅުވީ އަންނަ މަހުގެ ފަސް ވަނަ ދުވަހު ގައުމީ ޓީމު ޖަޕާނަށް ފުރަން ތައްޔާރުވަމުންދާ ކަމަށެވެ.

އިތުރަށް އޭނާ ވިދާޅުވީ ޖަޕާނުގައި ގައުމީ ޓީމު ޕްރެކްޓިސް މެޗުތަކެއް ކުޅޭނެކަން ނިންނާމީ ގައުމީ ކޯޗު ފްރެންޗެސްކޯ މޮރިއޭރޯ ކަމަށެވެ.

މި ފަހަރުގެ ސާފް ޗެމްޕިއަންޝިޕް ފުޓްބޯޅަ މުބާރާތުގައި ރާއްޖެ އޮތީ ގްރޫޕް ބީގަ އެވެ. މި ގްރޫޕުގައި ދެން ހިމެނެނީ ދިވެހިރާއްޖެ އާއި ލުބުނާން އަދި ބޫޓާނާއި ބަނގްލަދޭޝް އެވެ.

އަންނަ މަހުގެ 21 އިން ޖުލައި 4 އަށް ކުރިއަށް ގެންދާ މުބާރާތަށް ރާއްޖެ ވަނީ މި މަހުގެ 21ގައި 30 ކުޅުންތެރިންނާއެކު ޕްރެކްޓިސް ފަށައިފަ އެވެ. އަދި މި މުބާރާތަށް އިންޑިޔާ އާއި ބަނގްލަދޭޝް އަދި ޕާކިސްތާނާއި ބަނގްލަދޭޝް ވަނީ ޕްރެކްޓިސް ފަށައިފަ އެވެ.