ވީނުވީއެއް ނޭނގި ގެއްލިގެން ހޯދަމުންދިޔަ ކުޑަކުއްޖާ ފެނިފައިވާކަމަށް ފުލުހުން ބުނެފިއެވެ.
ޅ. ކުރެންދޫ / ހުދުފަޅު، ޢަބްދުއްނާފިޢު އިބްރާހިމް (17އ) އަށް ވީނުވީއެއް ނޭނގިގެން އާއިލާއިން ރިޕޯޓުކުރުމާއި ގުޅިގެން ފުލުހުން ވަނީ އެ ކުއްޖާ ހޯދުމުގެ މަސައްކަތް ފަށާފައެވެ.
މިރޭ ފުލުހުން ބުނީ މިހާރު އެކުއްޖާ ފެނިފައިވާކަމަށެވެ. އޭނާ ވަނީ މިރޭގެ ވަގުތެއްގައި އަމިއްލައަށް ގެއަށް ގޮސްފައި ކަމަށް ފުލުހުން މައުލޫމާތުދެއެވެ. އަދި ހާލު ރަނގަޅުކަމަށް ފުލުހުން ބުނެފައިވެއެވެ.
ޢަބްދުއްނާފިޢު އިބްރާހިމް މެއި 21 ވަނަ ދުވަހުގެރޭ ގެއިން ނުކުތް ގޮތަށް ވީނުވީ ތަނެއް ނޭނގޭ ކަމަށް އާއިލާއިން ބުނެފައިވެއެވެ. އެކަން ހުޅުމާލެ ފޭސް 2 ޕޮލިސް ސްޓޭޝަނަށް ރިޕޯޓްކޮށްފައިވަނީ މެއި 21 ވަނަ ދުވަހުގެ ރޭގެ ވަގުތެއްގައެވެ.
