ތަށި ހޯދައިދީފައި ކޯޗު ސްޕަލެއްޗީ ނާޕޮލީ ދޫކޮށްލަނީ
22 މެއި 2023 | ހޯމަ 10:09މައިގަނޑު ސަބަބަކީ ކުލަބުގެ ރައީސްއާ މެދު ހިތްހަމަނުޖެހުން
ނަޕޯލީގެ ކޯޗު ލޫސިއާނޯ ސްޕަލެއްޗީ.
އިޓާލިއަން ލީގު 33 އަހަރަށް ފަހު ފުރަތަމަ ފަހަރަށް ނާޕޮލީ އަށް ކާމިޔާބުކޮށްދިން ކޯޗު ލޫސިއާނޯ ސްޕަލެއްޗީ މި ސީޒަނަށް ފަހު ޓީމު ދޫކޮށްލަން ނިންމައިފި އެވެ.
އިޓަލީގެ މީޑިއާތަކުން ބުނާ ގޮތުގައި 64 އަހަރުގެ ކޯޗު ޓީމާއެކު ކުރިއަށްނުދާން ނިންމާ މައިގަނޑު ސަބަބަކީ ކުލަބުގެ ރައީސްއާ މެދު ހިތްހަމަނުޖެހިގެންނެވެ.
އިޓަލީގެ މީޑިއާތަކުން ބުނަނީ ނާޕޮލީ އަށް އިޓާލިއަން ލީގު ކާމިޔާބުވުމުން ކޯޗަށް މަރުހަބާކިޔަން ވެސް ކުލަބުގެ ރައީސް ނުގުޅާ ކަމަށެވެ. އަދި މިފަދަ ހިތްހަމަނުޖެހުންތައް އުފެދިފައިވަނީ ނާޕޮލީ އާއެކު ސްޕަލެއްޗީ ހަދާފައިވާ ކޮންޓްރެކްޓް އާކުރަން އެކުލަބުން ހުށަހަޅާފައިވަނިކޮށެވެ. އަދި އަހަރެއްގެ މައްޗަށް 2.8 މިލިއަން ޔޫރޯގެ މުސާރައެއް ވެސް އޭނާ އަށް ދޭން ހުށަހަޅާފައިވާ ކަމަށްވެ އެވެ.
ކޯޗުކަމުގައި ސްޕަލެއްޗީ މަޑުނުކުރާނެ ކަމުގެ އިޝާރާތެއް އޭނާ ވެސް ވަނީ ދީފަ އެވެ.
ނާޕޮލީން އާ ކޯޗަކު ހޯދާނަމަ މިވަގުތު އެ ޓީމާ ހަވާލުވުން އެންމެ ގާތީ ޗެލްސީ އާއި އިންޓަމިލާން އަދި ޓޮޓެންހަމުގެ ކުރީގެ ކޯޗު އިޓަލީގެ އެންޓޯނިއޯ ކޮންޓޭ ކަމަށް ވެސް މީޑިއާތަކުން ލަފާކުރެ އެވެ.
