ފޮރިން މިނިސްޓަރު، ޖަޕާނުގެ ފޮރިން މިނިސްޓަރާ ބައްދަލުކުރައްވައިފި
16 މެއި 2023 | އަންގާރަ 16:40ދެ ގައުމުގެ ގުޅުމާ ގުޅޭގޮތުން ދެ ބޭފުޅުން މަޝްވަރާކުރެއްވި
ފޮރިން މިނިސްޓަރު އަބްދުﷲ ޝާހިދު، ޖަޕާނުގެ ފޮރިން މިނިސްޓަރު ހަޔާޝީ ޔޮޝިމާއާއެކު ބޭއްވެވި ބައްދަލުކުރެއްވުމުގެ ތެރެއިން
ފޮރިން މިނިސްޓަރު އަބްދުﷲ ޝާހިދު، ޖަޕާނުގެ ފޮރިން މިނިސްޓަރު ހަޔާޝީ ޔޮޝިމާއާ ބައްދަލުކުރައްވައިފިއެވެ.
ފޮރިން މިނިސްޓަރު ވަނީ ޖަޕާނު ސަރުކާރުން ރާއްޖެއަށާއި ރާއްޖޭގެ ރައްޔިތުންނަށް ފާއިތުވި 50 އަހަރު ވެދެމުންދިޔަ އެހީތެރިކަން ފާހަގަކުރައްވައި އެކަމަށްޓަކައި ޝުކުރު އަދާކުރައްވާފައެވެ. އަދި ރާއްޖެއާ ޖަޕާނާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުން އެމަނިކުފާނު ފާހަގަކުރެއްވިއެވެ.
ޖަޕާނުގެ ފޮރިން މިނިސްޓަރު ވަނީ، ރާއްޖެއާ ޖަޕާނާ ދެމެދު އޮތް ޒަމާންވީ ގުޅުން ފާހަގަކުރައްވައި، ރާއްޖެއިން ސަރަހައްދީ އަދި ބައިނަލްއަގުވާމީ މައްސަލަތަކުގައި ޖަޕާނަށް ވެދެމުންދާ އެއްބާރުލުން ފާހަގަކުރައްވާފައެވެ.
ދެ މިނިސްޓަރުންވެސް ވަނީ ދެ ގައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން މަޝްވަރާކުރައްވާފައެވެ.
ޖަޕާނުގެ ފޮރިން މިނިސްޓަރާއެކު މިނިސްޓަރު ޝާހިދު ބޭއްވެވި މިބައްދަލުކުރެއްވުމުގައި، މިނިސްޓަރުގެ އަރިހުގައި، ސްޓޭޓް މިނިސްޓަރު އަހުމަދު ޚަލީލާއި ޖަޕާނަށް ރާއްޖެއިން ކަނޑައަޅާފައި ހުންނަވާ ސަފީރު ހަސަން ސާބިރާއި ޑެޕިއުޓީ އެމްބެސެޑަރު މުހައްމަދު އަމީތު އަހުމަދު މަނިކު ބައިވެރިވެވަޑައިގެންނެވިއެވެ.
މިނިސްޓަރު ޝާހިދު ޖަޕާނަށް މިކުރައްވާ ދަތުރުފުޅަކީ މިޔުނިކް ލީޑަރުންގެ ބައްދަލުވުމަކަށް ކުރައްވާ ދަތުރުފުޅެކެވެ.
