ޔޫކްރެއިން ހަނގުރާމާގައި، ރަޝިއާއިން އެގައުމުގެ ޓީ-14 އާރމަޓާ ޓޭންކުތައް ބޭނުންކުރަން ފަށައިފި

ރަޝިއާގެ ޓީ-14 އާރމަޓާ ޓޭންކުތައް އެގައުމުން ޔޫކްރެއިން ރަޝިއާ ހަނގުރާމާގައި ބޭނުންކުރަން ފަށައިފިއެވެ.

ރަޝިއާގެ މީޑިއާތަކުން މިކަން ރިޕޯޓުކޮށްފައިވަނީ އަންގާރަ ދުވަހުއެވެ.

ރިޕޯޓުތައް ބުނާގޮތުން، ހަނގުރާމައިގެ މާހައުލަށް މި ޓޭންކުތައް މިހާރު ނެރެފައި ވީނަމަވެސް، އަދި ސީދާ ހަމަލާތައް ދިނުމަށް ރަޝިއާ އަސްކަރިއްޔާއިން ޓޭންކުތައް ބޭނުމެއް ނުކުރެއެވެ.

ރަޝިއާގެ މި އައު ޓޭންކުތަކަކީ ރައްކާތެރިކަން އިތުރުކޮށްފައިވާ ޓޭންކުތަކެއް ކަމަށް ރިޕޯޓުތައް ބުނެއެވެ. މިޓޭންކުތައް ބޭނުންކުރަން އެގައުމުގެ އަސްކަރިއްޔާގެ އޮފިސަރުންނަށް ތަމްރީނު ޕްރޮގްރާމްތައްވެސް ޔޫކްރެއިންގައި ހިންގާފައިވާނެ ކަމަށް ރަޝިއާއިން ބުނެއެވެ.

ހައިވޭގައި ޓޭންކްތަކުގެ ދުވެއްޔަކީ ގަޑިއަކު 80 ކިލޯމީޓަރެވެ.

މީގެ އިތުރު ޓޭންކަރުތައް އުފެއްދުމުގެ މަސައްކަތްވެސް ރަޝިއާއިން ކުރަމުންދާކަމަށް ރިޕޯޓުތައް ބުނެއެވެ.