ތުރުކީ، ސީރިޔާ، ރަޝިއާ އަދި އިރާންގެ ޑިފެންސް މިނިސްޓަރުން ބައްދަލުކުރައްވަން ނިންމައިފިއެވެ.
މިކަން އިއުލާނުކުރައްވާފައި ވަނީ ތުރުކީގެ ޑިފެންސް މިނިސްޓަރު ހުލުސީ އަކަރް އެވެ.
ތުރުކީގެ މީޑިއާތަކުން، މިނިސްޓަރާ ހަވާލާދީ ރިޕޯޓުކޮށްފައިވާ ގޮތުން، މިހަތަރު ގައުމުގެ ޑިފެންސް މިނިސްޓަރުން ބައްދަލުކުރައްވަން ހަމަޖެހިފައި ވަނީ އަންގާރަ ދުވަހުއެވެ. އަދި ބައްދަލުވުން ކުރިއަށްގެންދަން ނިންމާފައި ވަނީ ރަޝިއާގެ، މޮސްކޯގައެވެ.
މިބައްދަލުވުމަކީ ތުރުކީ އާއި ސީރިއާ އާ ދެމެދު އޮތް ގުޅުން ރަނގަޅުކުރުމުގެ މަޝްވަރާތައް ކުރުމަށް ބާއްވާ ބައްދަލުވުމެއް ކަމަށް މީޑިއާ ރިޕޯޓުތައް ބުނެއެވެ.
މިހަތަރު ޑިފެންސް މިނިސްޓަރުންގެ އިތުރުން ގައުމުތަކުގެ އިންޓެލިޖެންސް ޗީފުންވެސް ބައްދަލުވުމުުގައި ބައިވެރިވެވަޑައިގަންނަވާނެ ކަމަށް ތުރުކީގެ ޑިފެންސް މިނިސްޓަރާ ހަވާލާދީ ތުރުކީގެ މީޑިއާތަކުން ވަނީ ރިޕޯޓުކޮށްފައެވެ.
