މާދަމާ އެމްއެންޑީއެފުން ހުޅުމާލޭގައި ބަޑީގެ ތަމްރީނުތަކެއް ކުރިއަށްގެންދަނީ
24 އެޕްރީލު 2023 | ހޯމަ 09:25ވަޒަން ދަތުރުކުރާނެ އެންމެ އުސްމިނަކީ 300 މީޓަރު
ލައިޝާ އަހްމަދު | 24 އެޕްރީލު 2023 | ހޯމަ 09:25
އެމްއެންޑީއެފުން ކުރިއަށް ގެންދިޔަ ޚާއްސަ ދުވުމެއްގެ ތެރެއިން
25 އޭޕްރިލް 2023 ވަނަ ދުވަހު ހުޅުމާލޭގައި މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) އިން އަސްކަރީ ތަމްރީން ތަކެއް ކުރިއަށް ގެންދާނެކަމަށް އެ އިދާރާއިން ބުނެފިއެވެ.
އެމްއެންޑީއެފުން ބުނީ، ތަމްރީނުތައް ކުރިއަށްދާނީ 25 އޭޕްރީލްވާ އަންގާރަ ދުވަހުގެ ހެނދުނު 06:00 އިން ހަވީރު 17:30 އަށް ކަމަށެވެ.
ތަމްރީނު ކުރިއަށްދާނީ ހުޅުމާލޭގެ އިރުމަތީ ފަރާތުން 11 ނޯޓިކަލް މޭލު ބޭރުގައެވެ.
އެމްއެންޑީއެފުން ބުނީ، މި ތަމްރީނުތަކުގައި ބޭނުންކުރާ ބަޑީގެ ވަޒަން ދަތުރުކުރާނީ ހުޅުމާލޭގެ އިރުމަތީ ފަރާތުން 11 ނޯޓިކަލް މޭލު ބޭރުން 5000 މީޓަރު ދުރުމިނަށް ކަމަށެވެ.
އަދި، ވަޒަން ދަތުރުކުރާނެ އެންމެ އުސްމިނަކީ 300 މީޓަރެވެ.
