ބޮޑުތަކުރުފާނު މަގު މަރާމާތުކުރުމުގެ މަސައްކަތް 10 ވަރަކަށް ދުވަހުގެ ތެރޭގައި ނިމޭނެކަމަށް ލަފާކުރެވޭ
23 އެޕްރީލު 2023 | އާދީއްތަ 15:48މަގުގެ 32 ތަނެއް މަރާމާތުކުރުމަށް ވަނީ ހަމަޖެހިފައި
ބޮޑުތަކުރުފާނު މަގު މަރާމާތުކުރުން
މާލޭގެ ބޮޑުތަކުރުފާނު މަގާއި އިއްޒުއްދީން މަގުގެ ތާރު އެޅި ބައި މަރާމާތުކުރުމުގެ މަސައްކަތް 10 ވަރަކަށް ދުވަހުގެ ތެރޭގައި ނިމޭނެކަމަށް އުންމީދުކުރައްވާކަމަށް, މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު ކުރެއްވި ޓްވީޓެެއްގައި ވަނީ، ހުކުރު ދުވަހުން ފެށިގެން ކުރިއަށްދާ މި މަސައްކަތް ދިހަވަރަކަށް ދުވަހުގެ ތެރޭގައި ނިންމުމަށް މަސައްކަތް ކުރަމުންދާ ކަަމަށެވެ. މީގެ އިތުރުން، ތާރު މަގުގައި ހަލާކުވެފައިވާ ތަންތަން މަރާމާތުކުރަން ހަވާލުކޮށްފައިވަނީ، މާލެއާއި ހުޅުމާލެ ގުޅުވައިދޭ ހައިވޭ ހެދި ކުންފުންޏާ ކަމަށްވެސް ޑރ. މުއިއްޒު ވަނީ ވިދާޅުވެފައެވެ. މި މަސައްކަތް ކުރަމުންދަނީ ޗައިނާގެ ހުނާން ކޮންސްޓްރަކްޝަން އިންޖިނިއަރިންގއެވެ.
މި މަސައްކަތުގައި މަގުގެ 32 ތަނެއް މަރާމާތުކުރަން ވަނީ ހަމަޖެހިފައެވެ.
ބޮޑުތަކުރުފާނު މަގުގައި ތާރު އަޅާފައި އޮތް ހިސާބުގެ ހަލާކުވެފައިވާ ތަންތަން މަރާމާތުކޮށްދޭނެ ބަޔަކު ހޯދަން އިއުލާންކުރީ މި އަހަރުގެ ފެބްރުއަރީ މަހުއެވެ.
