އެމްޑީޕީން ކުރިއަށް އޮތް 10 ދުވަހުގެ ތެރޭގައި އަތޮޅުތެރެއަށް ދަތުރުތައް ފަށަނީ!
7 ޖުލައި 2017 | ހުކުރު 13:29މަސީހުގެ ބޭރުކުރުމުގެ ކަންކަން ވަރަށް ހަލުއިކަމާއި އެކު ކުރިއަށް ގެންދާނަން
އެމްޑީޕީން ހުކުރުދުވަހު ހަވީރު ބޭއްވި ސައިފޮދުގައި ޗެއާޕާސަން ހަސަން ލަތީފު ވާހަކަފުޅު ދައްކަވަނީ
ކުރިއަށް އޮތް 10 ވަރަކަށް ދުވަހުގެ ތެރޭގައި އެމްޑީޕީގެ ހަރަކާތްތައް މެކުހަށް ޖަހައި އަތޮޅުތެރެއަށް ދަތުރުތައް ފެށުމަށް ނިންމާފައިވާކަމަށް އެޕާޓީގެ ޗެއާޕާސަން ހަސަން ލަތީފު ވިދާޅުވެއްޖެއެވެ.
ގުޅިފައިވާ ޕާޓީތަކުން އެމްޑީޕީގެ ހަރުގޭގައި ހުކުރު ދުވަހުގެ ހަވީރު ބޭއްވި ސައިފޮދުގައި ބައިވެރިވެވަޑައިގެން ހަސަން ލަތީފު ވިދާޅުވީ އެމްޑީޕީއާއި އެޕާޓީއާ ގުޅިފައިވާ އެހެނިހެން ސިޔާސީ ޕާޓީތަކާއި މަޖިލިސް މެންބަރުން ގުޅިގެން ދެން އެންމެ އިސްކަމެއް ދޭނެ މަސައްކަތަކީ، މިމަހުގެ 24 ވަނަދުވަހު އޮންނަ މަޖިލީހުގެ ރައީސް މަސީހުގެ އިތުބާރު ނެތް މައްސަލައިގެ ކަންކަން ކުރިއަށް ގެންދިއުމެވެ.
"އަޅުގަނޑުމެންގެ ވަރަށް ގިނަ މަސައްކަތް ކުރިއަށް އޮތް 10 ދުވަހުގެ ތެރޭގައި ހިނގާނެ. އަޅުގަނޑުމެންގެ އަތޮޅު ތެރޭގަ ދަތުރުތައްވެސް މި ފަށަނީ" ހަސަން ލަތީފް ވިދާޅުވިއެވެ.
ހަސަން ލަތީފު ވިދާޅުވީ، ރާއްޖޭގެ އެކި ކަންކޮޅުތަކުގައި އެޕާޓީގެ ޖަލްސާތައް ދެން ބާއްވާނެއެވެ. އަދި އެޕާޓީގެ މަޖިލިސް މެންބަރުން ހިމެނޭ ގޮތުން ވަފުދުތައް އަތޮޅުތެރެއަށް ޒިޔާރަތްކޮށް އެޕާޓީގެ ހަރަކާތްތައް ކުރިއަށް ގެންދާނެކަމަށް ހަސަން ލަތީފް ވިދާޅުވިއެވެ.
އެމްޑީޕީން އެޕާޓީގެ ހަރަކާތްތައް ވަރުގަދަ ކުރުމަށް ނިންމި އިރު، ،އެޕާޓީގެ ކޮންގްރެސް އަންނަ ސެޕްޓެމްބަރު މަހު ބާއްވާގޮތަށް ވަނީ ހަމަޖެހިފައެވެ.
