ސިފައިންގެ ޝަރަފްގެ ހިނގާލުން ބާއްވައިފި
21 އެޕްރީލު 2023 | ހުކުރު 13:56ހިނގާލުމުގެ ތެރެއިން ސިފައިންގެ ތަފާތު އުޅަނދުތައް ވެސް ވަނީ ދައްކާލާފައި
އެމްއެންޑީއެފްގެ ޝަރަފުގެ ހިނގާލުން
ހުކުރު ދުވަހު މާލޭގެ ބޮޑެތި މަގުތަކުގައި ސިފައިންގެ ޝަރަފްގެ ހިނގާލުން ބާއްވައިފިއެވެ.
މި ހިނގާލުން ބެލުމަށްޓަކައި ގިނަ އަދަދެއްގެ އާންމުން ވަނީ މަގުތަކަށް ނިކުމެފައެވެ. މި ހިނގާލުމުގެ ތެރެއިން ސިފައިންގެ ތަފާތު އުޅަނދުތައް ވެސް ވަނީ ދައްކާލާފައެވެ.
މީގެ އިތުރުން މިހިނގާލުމުގައި ބައެއް ތަންތަނުގައި މަޑުކޮށް މިލިޓަރީ ބޭންޑުގެ ހުށަހެޅުންތައް ވެސް ސިފައިން ވަނީ ހުށަހަޅައިދީފައެވެ.
އެމްއެންޑީއެފުން ބާއްވާ މިފަދަ ހިނގާލުންތަކަކީ ވަރަށް ގިނަ ރައްޔިތުންގެ ތަރުހީބު ލިބެމުންދާ، އަދި އެ ހަރަކާތްތައް ބަލާލުމަށް ބޭނުންވާ ހަރަކާތެކެވެ. އެމްއެންޑީއެފްގެ ހިނގާލުންތައް އާންމުކޮށް ބާއްވަމުންދަނީ މާލޭގައި ނަމަވެސް، ފަހަކަށް އައިސް އަތޮޅުތަކުގެ ރަށްރަށުގައި ހިނގާލުންތައް ބޭއްވުން ވަނީ އިތުރުކޮށްފައެވެ.
އެމްއެންޑީއެފްގެ ލީޑަރޝިޕުގެ ވިސްނުން ހުރީ، ވަގުތު ލިބުނު ވަރަކުން މި ފަދަ ހަރަކާތްތައް ޖަޒީރާވަންތަ ރާއްޖޭގައި ދިރިއުޅޭ ރައްޔިތުންނާ ކައިރިއަށް ގެންގޮސް، ގިނަ ބަޔަކަށް މި ހަރަކާތްތައް ދައްކާލުމެވެ.
ދިވެހިރާއްޖޭގައި ސިފައިންގެ ޚިދުމަތް ފެށިފައިވަނީ 1892 އޭޕްރީލް 21 ވަނަ ދުވަހު އެވެ. އަދި ސިފައިންގެ ދުވަހުގެ ގޮތުގައި ފާހަގަ ކުރަމުން އަންނަނީ ކޮންމެ އަހަރެއްގެ ވެސް އޭޕުރީލް މަހުގެ 21 ވަނަ ދުވަހެވެ.
