ފިތުރު އީދާ ގުޅިގެން އައިޖީއެމްއެޗްގެ އޯޕީޑީ ޚިދުމަތް ތިން ދުވަހަށް ބަންދުކޮށްފި
އިމަރޖެންސީގެ ޚިދުމަތް މެދުނުކެނޑި 24 ގަޑިއިރު ލިބޭނެ
އައިޖީއެމްއެޗް
މި އަހަރުގެ ފިތުރު އީދާ ގުޅިގެން އައިޖީއެމްއެޗް ގްރޫޕް އޮފް ހޮސްޕިޓަލްސްގެ ބަންދު ވާނެ ދުވަސްތައް އާއްމުކޮށްފިއެެވެ.
އައިޖީއެމްއެޗުން ބުނީ 1444 ވަނަ އަހަރުގެ ފިތުރު އީދާ ގުޅިގެން އޭޕްރިލް މަހުގެ 21، 22 އަދި 23 ބަންދުވާނެ ކަމަށެވެ. އަދި އައިޖީއެމްއެޗް ގްރޫޕް އޮފް ހޮސްޕިޓަލްސްގެ ސްޕެޝަލިސްޓް އޯޕީޑީ އަދި އެހެނިހެން ކްލިނިކަލް ޚިދުމަތްތައް (އައިޕީޑީ އަދި އިމަރޖެންސީ ޚިދުމަތްތަައް ފިޔަވައި) ބަންދުވާނެ ކަމަށެވެ.
ކުރިއަށްއޮތް ބަންދު ދުވަސްތަކުގައި އޯޕީޑީ އަދި ކްލިނިކަލް ޚިދުމަތްތައް މެދުކެނޑިގެން ދިޔަނަމަވެސް، ޓްރޯމާ އެންޑް އިމަރޖެންސީގެ ޚިދުމަތްތައް މެދުނުކެނޑި 24 ގަޑިއިރު ލިބޭނެ ކަމަށެވެ.
ފިތުރު އީދާ ގުޅިގެން އައިޖީއެމްއެޗް ގްރޫޕް އޮފް ހޮސްޕިޓަލްސްގެ ތިން ދުވަހެއް ބަންދުވާއިރު، ރޯދަމަހާ ގުޅިގެންވެސް އައިޖީއެމްއެޗުން ދޭ ޚިދުމަތްތަކުގެ ވަގުތަށް ބަދަލު ގެނެސްފައިވެއެވެ.
