ޚާރްޠޫމް އާއި އެހެނިހެން ސިޓީތަކުގައި ސޫދާނުގެ ޕެރަމިލިޓަރީންނާއި، ސިފައިން ކުރިމަތިލައިފިއެވެ.
ރޮއިޓާސްގައި ބުނެފައިވަނީ ސޫދާނުގެ މައި ޕެރަމިލިޓަރީ ގްރޫޕާއި ހަތިޔާރު އެޅި ސިފައިން ހޮނިހިރު ދުވަހު ޚާރްޠޫމް އާއި އެގައުމުގެ އެހެން ތަންތަނުގައި ބަޑިޖަހާފައި ވަނީ ކޮންޓްރޯލް ހޯދުމަށް ކުރާ މަސައްކަތުގެ ތެރެއިން ބެލެވޭ ކަމަށެވެ.
ރިޔާސީ ގަނޑުވަރާއި ސިފައިންގެ ވެރިޔާގެ ގެކޮޅާއި ޚާރްޠޫމްގެ އުތުރުގެ ސިޓީ މެރޯވޭގެ އެއާޕޯޓްތައް އަތުލައިގަތް ކަމަށް ރެޕިޑް ސަޕޯޓް ފޯސަސް (އާރުއެސްއެފް) އިން ބުނި ވާހަކަތައް ސިފައިން ވަނީ ދޮގުކޮށްފައެވެ.
ސިފައިންގެ ވެރިޔާ ޖެނެރަލް އަބްދުލް ފައްތާހު އަލް ބުރުހާން އަލްޖަޒީރާ ޓީވީއަށް ވިދާޅުވީ އެމީހުން ބުއްދިވެރި ނަމަ ޚާރްޠޫމަށް އައި ސިފައިން ފަހަތަށް ޖައްސާނެ ކަމަށެވެ. އެކަމަކު އެކަން ކުރިއަށްދާނަމަ އެހެން ސަރަހައްދުތަކުން ސިފައިން ޚާރްޠޫމަށް ފޮނުވަން ޖެހޭނެ ކަމަށެވެ.
އާރުއެސްއެފްގެ ލީޑަރު ޖެނެރަލް މުހައްމަދު ހަމްދާން ދަގަލޯ ވިދާޅުވެފައިވަނީ، ހެމަދުތީގެ ނަމުން މަޝްހޫރުވި ބުރުހާން އަކީ "ކުށްވެރިއެއް" އަދި "ދޮގުވެރިއެއް" ކަމަށެވެ.
ދެ ފަރާތުން ދިން ހަމަލާތަކަށްފަހު ހާލަތު ސާފު ނޫން ކަމަށް ރޮއިޓަރސްގައި ބުނެފައިވެއެވެ.
އާރުއެސްއެފް އިން ބުނީ ސިފައިން ފުރަތަމަ ހަމަލާދީފައިވާ ކަމަށެވެ. ސިފައިން ބުނީ ޕެރަމިލިޓަރީން ނަގާފައިވާ ކަމަށް ބުނާ ސަރަހައްދުތަކުގައި އާރުއެސްއެފްއާ ހަނގުރާމަ ކުރަމުންދާ ކަމަށެވެ.
