އެކަޑަމިކް ކަލަންޑަރުގައި ކުރިން ފިތުރު އީދު ބަންދަށް ކަނޑައަޅާފައިވާ ދުވަސްތަކުން އެއް ދުވަސް އުނިކުރުމަށްފަހު ސްކޫލް ހުޅުވޭ ތާރީހު އަވަސްކޮށްފިއެވެ.
އެޑިއުކޭޝަން މިނިސްޓްރީން ވަނީ ހޯމަ ދުވަހު އެކެޑެމިކް ކަލަންޑަރަށް މި ބަދަލު ގެނެސް އާއްމުކޮށްފައެވެ. އެގޮތުން، ކުރިން ނެރުނު ކަލަންޑަރުގައި އީދު ބަންދަށްފަހު މި މަހުގެ 25 ވަނަ ދުވަހު ސްކޫލް ހުޅުވޭ ގޮތަށް އޮތް ނަމަވެސް ކަލަންޑަރަށް ގެނައި އިސްލާހާއެކު ސްކޫލް ހުޅުވޭނީ މި މަހުގެ 24ވާ ހޯމަ ދުވަހުއެވެ.
އެކެޑެމިކް ކަލަންޑަރުން ދައްކާ ގޮތުގައި މި މަހުގެ 16 އިން 20 ވަނަ ދުވަހަށް މިޑްޓާމަށް ސްކޫލްތައް ބަންދުވާނެއެވެ. އަދި އެއަށްފަހު ސްކޫލް ހުޅުވޭނީ ފިތުރު އީދު ބަންދަށް ފަހުގައެވެ.
އެޑިއުކޭޝަން މިނިސްޓްރީން މި ބަދަލު ގެންނަން ނިންމި ސަބަބެއް އަދި ހާމައެއް ނުކުރެއެވެ.
