ކ. މާލެ
|
5 އޭޕްރިލް 2023 | ބުދަ 11:39
އަލް ނަސްރުން ކުޅުނު މެޗުގައި ލަނޑު ޖެހުމަށް ފަހު ރޮނާާލްޑޯ އުފާ ފާޅު ކުރަނީ
އަލް ނަސްރުން ކުޅުނު މެޗުގައި ލަނޑު ޖެހުމަށް ފަހު ރޮނާާލްޑޯ އުފާ ފާޅު ކުރަނީ
ޓްވިޓަރ
ސައުދީ ޕްރޯ ލީގު
ރޮނާލްޑޯގެ ދެ ލަނޑާއެކު މޮޅުވެ އަލް ނަޞްރުން ލީގު ރޭހުގައި ކުރިއަށް
 
އަންގާރަ ދުވަހުގެ ރޭ އަލް އަދަލާގެ ދަނޑުގައި އެ ޓީމާ ދެކޮޅަށް ކުޅުނު މެޗުން އަލް ނަޞްރު މޮޅުވީ 5-0 އިން

ކްރިސްޓިއާނޯ ރޮނާލްޑޯ ޖެހި ލަނޑުން މޮޅުވެ އަލް ނަޞްރުން ސައުދީ ޕްރޯ ލީގުގެ އެއް ވަނައިގައި އޮތް އަލް އިއްތިހާދުގެ ފުލުގައި ވިއްދައިފި އެވެ.

އަންގާރަ ދުވަހުގެ ރޭ އަލް އަދަލާގެ ދަނޑުގައި އެ ޓީމާ ދެކޮޅަށް ކުޅުނު މެޗުން އަލް ނަޞްރު މޮޅުވީ 5-0 އިންނެވެ. މެޗުގައި އަލް ނަޞްރުގެ ފުރަތަމަ ލަނޑު 40 ވަނަ މިނެޓުގައި ލިބުނު ޕެނަލްޓީއަކުން ޖެހީ ރޮނާލްޑޯ އެވެ. އެ ޓީމުގެ ދެ ވަނަ ލަނޑު 55 ވަނަ މިނެޓުގައި ޖެހީ ޓަލިސްކާ އެވެ. އަލް ނަޞްރުގެ ތިން ވަނަ ލަނޑު 66 ވަނަ މިނެޓުގައި ޖެހީ ރޮނާލްޑޯ އެވެ. އޭގެ ފަހުން 78 ވަނަ މިނެޓުގައި ޓަލިސްކާ ވަނީ އެ ޓީމުގެ ހަތަރު ވަނަ ލަނޑު ޖަހައިފަ އެވެ. އަލް ނަޞްރުގެ ފަހު ލަނޑު މެޗުގެ އިތުރު ވަގުތުގައި ޖެހީ އައިމަން ޔަހުޔާ އެވެ.

މިދިޔަ އަހަރުގެ ފަހު ކޮޅު އަލް ނަޞްރަށް ބަދަލުވެ ރޮނާލްޑޯ އަންނަނީ އެ ޓީމުގައި މޮޅު ކުޅުމެއް ދައްކަމުންނެވެ. އޭނާ ވަނީ ސައުދީ ޕްރޯ ލީގުގައި އަލް ނަޞްރަށް ކުޅެދިން ނުވަ މެޗުން 11 ލަނޑު ޖަހައިފަ އެވެ. އޭނާ ވަނީ ޖުމުލަ އެ ޓީމަށް 11 މެޗު ކުޅެދީފަ އެވެ. މޮޅާއެކު އަލް ނަޞްރު ދެ ވަނައިގައި އޮތީ ކުޅުނު 22 މެޗުން 52 ޕޮއިންޓާއެކު އެވެ. ހަމަ އެ އަދަދަށް މެޗު ކުޅެގެން އެއް ވަނައިގައި އަލް އިއްތިހާދު އޮތީ 53 ޕޮއިންޓާއެކު އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް