މިނިސްޓްރީ އޮފް އެންވަޔަރަންމެންޓް ކްލައިމެޓް ޗޭންޖް އެންޑް ޓެކްނޮލޮޖީގެ އެގްޒެކެޓިވް ޑިރެކްޓަރުގެ މަގާމުގައި ހުންނެވި ލަބީގު މުހައްމަދު މާހިދު މަގާމުން ވަކިކޮށްފިއެވެ.
ބުރާސްފަތި ދުވަހު ރައީސް އޮފީހުން އޭނާއަށް ފޮނުވި ސިޓީއެއްގައި ވަނީ ދިވެހިރާއްޖޭގެ ގާނޫނުއަސާސީގެ 115 ވަނަ މާއްދާގެ (ޅ) ން ރައީސުލްޖުމްހޫރިއްޔާއަށް ލިބިވަޑައިގަންނަވާ ބާރުގެ ދަށުން، އޭނާ މަގާމުން ވަކިކުރައްވާފައިވާކަމަށެވެ.
އޭނާ އެންވަޔަރަންމެންޓް މިނިސްޓްރީގައި ހުންނަވައިގެން ލަބީގު ކޮށްދެއްވާފައިވާ ޚިދުމަތްތަކަށް ރައީސް ޝުކުރުއަދާކުރައްވާކަމަށް މި ސީޓިގައިވެއެވެ.
ލަބީގު މަގާމުން ވަކިކުރެއްވި ސަބަބު ސާފުވެފައެއް ނުވެއެވެ. އެހެންނަމަވެސް އެނާ ގެންދަވަނީ ސަރުކާރުގެ ސިޔާސަތުތަކާ ދެކޮޅު ޚިޔާލުތައް ސޯޝަލް މީޑިއާގައި ފާޅުކުރައްވަމުންނެވެ.
