މަސީހުގެ އިސްތިއުފާއަށް މެންބަރު ލަތީފު ގޮވާލައިފި
ލަތީފު ވަނީ މަސީހު ރިޔާސަތުގައި އިންނަވައިގެން ފާސްކުރި ބިލްތަަކަށް ފާޑުކިޔާފަ
އެމްޕީ ލަތީފު
ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދު އިސްތިއުފާ ދިނުމަށް ދިއްދޫ ދާއިރާގެ މެންބަރު އަބްދުލްލަތީފު މުހައްމަދު ގޮވާލައްވައިފި އެވެ.
ރައްޔިތުންގެ މަޖިލީހުގެ ރައީސް މަސީހަށް އެޑްރެސް ކުރައްވާ މެންބަރު ލަތީފު ފޮނުއްވާފައިވާ ސިޓީގައި ވަނީ ގިނަ ކަންތަތްތަކެއް ފާހަގަކުރައްވާފަ އެވެ.
އެގޮތުން 18 ވަނަ ރައްޔިތުންގެ މަޖިލީހުގެ ރައީސްގެ މަގާމަށް ގެނެވުނީ އޭރު މަސީހަށް އޮތް އިތުބާރެއްގެ ބޮޑުކަމުން ކަމަށާއި މިހާތަނަށް މަސީހު މަޖިލީހުގެ ރައީސް ކަމުގައި ބެެހެއްޓުމަށް ތިން ފަހަރެއްގެ މަތިން ވޯޓުދީފައިވާނެ ކަމަށް ލަތީފު ފޮނުއްވި ސިޓީގައި ބަޔާންކޮށްފައިވެ އެވެ. އެގޮތުން އެންމެ ފުރަތަމަ މަޤާމަށް ގެނައުމަށް ދެވެނު ވޯޓާއި "ފެނޭ" ކަރުދާރުގައި ޖެހުމަށް ފަހު ދިން ވޯޓުގެެ އިތުރަށްް 42 މެމްނަރުން ސޮއި ނެތި މަޖިލީހުގެ ރައީސްގެ އިތުބާރުނެތް ކަމަށް ހުށަނޭޅޭ ގޮތަށް ދިން ވޯޓަކީ މަސީހަށް ދެވިފައިވާ ވޯޓެއް ކަަމަށް ލަތީފުގެ ސިޓީގައި ވިދާޅުވެފައިވެ އެވެ.
އިދިކޮޅު ފަރާތްތަކުން މަޖިލީހުގެ ރައީސް ކަމުގެ މަޤާމުން މަސީހު ބޭރުކޮށްލާއި ދުރުކުރުމަށް ކުރަމުންދާ މަސައްކަތްތައް މަޖިލީހުގެ ތެރެއިން ބޭރުކޮށް، ރައްޔިތުންގެ މަޖިލީހުގެ ރައީސް ކަމުގެ މަޤާމުގެ ހައިބަތާއި ގަދަރު ގެއްލުނަ ނުދިނުމަށް މަޖިލީހުގައި ގުރުބާނީތަކެއް ވެފައިވާނެ ކަމަށް ލަތީފު ވިދާޅުވި އެވެ.
" ތިޔަގޮތަށް ހުންނަވައިގެން ހުރިހާ ބާރުތަކެއް އެއް ދިމާއަކަށް ޖަމާކުރޮށްދެއްދުމަށް ގެންދަވަނީ ރައްޔިތުންނަށް އެއްވެސް އިހްލާސްތެރިކަމެއް ނެތި، އަދި ކުރައްވައިގެން ހުނެވި ހުވަޔާ، ހިލާފަށްނޫންތޯއެވެ؟ މަނިކުފާނު މަސައްކަތްޕުޅު ކުރައްވަމުން ތިޔަ ގެންދަވަނީ ދިވެހި ޖުމްހޫރިއްޔާގެ ގާނުނު އަސާސީއާއި ގާނޫނުތަކާއި ހެދިފައިވާ ގަވައިދުތަކާއިވެސް ފުށުއަރާގޮތަށް ނޫންތޯއެވެ. އެހެންކަމަށްވުމާ އެކު ތިޔަ މަޤާމުގައި ހުންނަވއިގެން ތިޔަގޮތަށް ކަންކަން ކުރެއްވުމަށްވުރެ މަޖިލީހުގެ ރިޔާސަތު ދޫކޮށްލައްވައި، މަނިކުފާނު އިންތިހާބުވި ދާއިރާ ތަމްސީލު ކުރެއްވުން ބުއްދިވެރިވާނެ ކަމަށް ގަބޫލުކުރެވޭތީ އެވާހަކަ ދެންނެވީމެވެ." ލަތީފު މަސީހަށް ފޮނުއްވާފައިވާ ސިޓީގައި ބަޔާންކުރައްވާފައިވެއެވެ.
މި ސިޓީގައި ލަތީފު ވަނީ މަސީހު ރިޔާސަތުގައި އިންނަވައިގެން ފާސްކުރި ބައެއް ބިލްތަަކަށް ފާޑުވިދާޅުވެފަ އެެވ. އެގޮތުން ރާއްޖޭގެ ބިން ބޭރުގެ ފަރާތްތަކަށް މިލްކު ކުރެވޭގޮތަށް ސަރުކާރުން ހުށަހެޅި ބިލް އެޖެންޑާކުރައްވާ އަވަސް އަރުވާލައިގެން އެބިލް ނިންމާލި ނިންމާލުން ވަނީ ފާހަގަކުރައްވާފަ އެވެ. އެބިލަކީ ގައުމިއްޔަތުގެ ރުކުންތައް ފުނޑުފުނޑު ވެގެންދާ ފަދަ ހާލަތެއްގައި ރައްޔިތުންގެ ކަންބޮޑުވުންތައް އިންތިހާއަށް އޮތް ބިލެއް ކަމަށް ލަތީފު ވިދާޅުވި އެވެ.
ޖިނާއީ އިޖުރާއަތުގެ ބިލާ ގުޅިގެން މެންބަރުންގެ މެދުގައި އުފެދުނު ނުތަނަވަސްވުންތަކާއި ގުޅިގެން ޕީޖީ ގްރޫޕުން ބޭއްވި ބައްދަލުވުމަށް މަސީހު ވަޑައިނުގަތުމުން އޭނާގެ އިހްލާސްތެރިކަމާއި މެދު ސުވާލު އުފެދުނުކަމަށް ލަތީފު ވިދާޅުވި އެވެ.
ލަފީތު މަސީހަށް ފޮނުއްވި ސިޓީގައި ވަނީ މަޖިލީހުގެ އިދިކޮޅު މެންބަރުންނަށް އެއްވެސް ގަދަރެއް އިހްތިރާމެއް ނެތި ހިތު ހުރިހާ ގޮތަކަށް ކަންކަން ކުރައްވަމުން ، އެމީހުންގެ އަޑު ކަނޑުވާލުމަށް މަސީހު ރިޔާސަތުގަިއ އިންނަވައިގެން ކުރައްވާ މަސައްކަތް ފާހަގަކޮށްފަ އެވެ.
މިހާރު މަޖިލީސް މެންބަރުންގެ ކުރިމަތީގައި މަޖިލީހުގެ ރައީސްގެ އިތުބާރު ގެއްލިފައިވާ މިދަނޑިވަޅުގައި ރީތި ގޮތަކީ އަމިއްލައަށް އިސްތިއުުފާދިނުން ކަަމަށް ލަތީފު ވިދާޅުވި އެވެ.
