ރަންތާޖު ޤުރުއާން މުބާރާތުގެ ބައިވެރިންނަށް ރާއްޖެޓީވީން ރޯދަވީލުމެއް ދީފި
29 މާރިޗު 2023 | ބުދަ 06:16ރޯދަ ވީއްލުމުގެ އިންތިޒާމުތައް ވެސް ވަރަށް ފުރިހަމަ
ރަންތާޖު ޤުރުއާން މުބާރާތުގެ ހުޅުލެ އައިލެންޑް ހޮޓަލުގައި ރޯދަ ވީއްލަނީ
ރަންތާޖު ޤުރުއާން މުބާރާތުގެ ބައިވެރިންނަށް ރާއްޖެޓީވީގެ ފަރާތުން ޚާއްސަ ރޯދަވީއްލުމެއް ދީފިއެވެ.
އަންގާރަ ދުވަހު މި ރޯދަ ވީއްލުން ދީފައިވަނީ ހުޅުލެ އައިލެންޑް ހޮޓަލުންނެވެ. މި ރޯދަ ވީއްލުމުގައި ރަންތާޖުގެ ބައިވެރިންގެ އިތުރުން ރާއްޖެޓީވީގެ މެނޭޖްމަންޓްގެ އިސް ބޭފުޅުން ބައިވެރިވެވަޑައިގެންނެވިއެވެ. މި ރޯދަ ވީއްލުމުގެ އިންތިޒާމުތައް ވެސް ވަރަށް ފުރިހަމައެވެ.
ރަންތާޖު ޤުރުއާން މުބާރާތުގެ ބައިވެރިންނަށް ރާއްޖެޓީވީން ރޯދަވީލުމެއްދީފައިވާއިރު މުބާރާތުގެ ބައިވެރިންނަށް ކުރުނބާ މޯލްޑިވްސްގެ ފަރާތުން ވެސް ވަނީ ޚާއްސަ ރޯދަ ވީއްލުމެއްދީފައެވެ. މި ރޯދަ ވީއްލުމަކީ ރަންތާޖު ޤުރުއާން މުބާރާތުގެ ބައިވެރިންނަށް ލިބުނު މިފަދަ ފުރަތަމަ ދައުވަތެވެ. އަދި ރަންތާޖުގެ ބައިވެރިންނަށް ރިސޯޓުގެ ފަރާތުން ހޫނު މަރުހަބާ އެއް ކިޔާފައިވާއިރު، އެ ރޯދަ ވީއްލުމުގެ ހުރިހާ އިންތިޒާމެއް ވެސް ވަރަށް ފުރިހަމައެވެ.
20 ބައިވެރިންނާއެކު ކުރިއަށްގެންދާ ރަންތާޖު ޤުރުއާން މުބާރާތުގެ ފުރަތަމަ އެޕިސޯޑް ހުކުރު ދުވަހުގެ ރޭ ވަނީ ކުރިއަށް ގެންގޮސްފައެވެ. އަދި 2 ވަނަ އެޕިސޯޑްގައި 5 ބައިވެރިން އެލިމިނޭޓް ވާނެއެވެ.
ރަންތާޖު ޤުރުއާން މުބާރާތަކީ ރާއްޖެ ޓީވީ، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓާއި އަދި އިސްލާމިކް މިނިސްޓްރީ ގުޅިގެން ކުރިއަށްގެންދާ މުބާރާތެކެވެ.
16 އަހަރާއި 45 އަހަރާ ދެމެދުގެ އުމުރުފުރާގެ ފަރާތްތަކަށް ހުޅުވާލެވިފައިވާ މި މުބާރާތަކީ 3 ލައްކަ ރުފިޔާގެ އިނާމަކާއެކު ކުރިއަށްގެންދާ މުބާރާތެކެވެ. މުބާރާތުގެ ފައިނަލް 20 ބައިވެރިން ހޮވާފައި ވަނީ މި މުބަރާތުގެ އޮޑިޝަންގައި ބައިވެރިވި 111 ބައިވެރިންގެ ތެރެއިންނެވެ.
