ކ. މާލެ
|
29 މާރޗް 2023 | ބުދަ 03:22
ޖަސްޓިސް ބިލްޑިންގ
ޖަސްޓިސް ބިލްޑިންގ
ރާއްޖެއެމްވީ
އެމްޑީއެން އުވާލުން
އެމްޑީއެން އުވާލީ ރަނގަޅަށް: ސިވިލް ކޯޓު
 
އެމްޑީއެން އުވާލީ 2019 ވަނަ އަހަރު

މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އުވާލަން ނިންމީ ރަނގަޅަށް ކަމަށް ސިވިލް ކޯޓުން ހުކުމްކޮށްފިއެވެ.

އެމްޑީއެން އުވާލަން ސަރުކާރުން ނިންމީ އިސްލާމް ދީނަށާއި ކީރިތި ރަސޫލާއަށް ފުރައްސާރަވާ ފަދަ ވާހަކަތަކެއް ހިމެނޭ "ޕްރިލިމިނަރީ އެސެސްމަންޓް އޮފް ރެޑިކަލައިޒޭޝަން އިން ދަ މޯލްޑިވްސް" ރިޕޯޓު ޝާއިއުކުރި މައްސަލައިގައެވެ. އެ ޖަމިއްޔާ އުވާލީ 2019 ވަނަ އަހަރުއެވެ.

އެ ޖަމިއްޔާ އުވާލުމުން އެކަން ކޮށްފައިވަނީ އުސޫލާ ޚިލާފަށް ކަމަށް ބުނެ އެ ޖަމިއްޔާއިން ވަނީ ސިވިލް ކޯޓަށް މައްސަލަ ހުށަހަޅާފައެވެ. އެ މައްސަލަ ހުށަހެޅީ އެމްޑީއެންގެ އެގްޒެކެޓިވް ޑިރެކްޓަރު ޝަހިންދާ އިސްމާއިލްއެވެ.

އޭނާ ކޯޓަށް ހުށަހެޅި މައްސަލައިގައި ޖަމިއްޔާ އުވާލީ އިޖުރާއަތްތައް ފުރިހަމަނުކޮށް ކަމަށް ބުނެ ޔޫތު މިނިސްޓްރީގެ ނިންމުން ބާތިލުކޮށްދޭން ކޯޓުގައި އެދިފައިވެއެވެ.

ސިިވިލް ކޯޓުން އަންގާރަ ދުވަހު ކުރި ހުކުމުގައިވަނީ ޖަމިއްޔާތަކުގެ ރަޖިސްޓްރާއަށް ލިބިގެންވާ ބާރުގެ ދަށުން އެމްޑީއެން އުވާލަން ނިންމާފައިވަނީ ޖަމިއްޔާތަކާބެހޭ ގާނޫނުގައި ބުނާ އިޖުރައަތްތައް ފުރިހަމަ ކުރުމަށްފަހު ކަމަށެވެ. އަދި އިސްލާމްދީނާ ޚިލާފު އަދި ދީނީ އެއްބައިވަންތަކަން ގެއްލޭ ކަންކަން ކުރުމަކީ ޖަމިއްޔާތަކަށް މަނާ ކަމެއް ކަމަށް ވާއިރު، އެމްޑީއެންއިން ނެރުނު ރިޕޯޓުގައި އިސްލާމްދީނާ ޚިލާފު ވާހަކަތަކެއް ހިމަނާފައިވާ ކަމަށް އެ ހުކުމުގައިވަނީ ފާހަގަކޮށްފައެވެ.

މި ހުރިހާ ކަންކަމަށް ބަލައި އެމްޑީއެން އުވާލަން ނިންމި ނިންމުން ގާނޫނާ ޚިލާފު ކަމަށް ނުބެލެވޭ ކަމަށް ސިވިލް ކޯޓުގެ ގާޒީ އަލީ އަބްދުﷲ ކުރެއްވި ހުކުމުގައި ވަނީ ފާހަގަކުރައްވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
100%
ކޮމެންޓް
ގުޅުންހުރި
ޣައިރު ހާޒިރުގައި، ދަރަންޏެއް ސާބިތުވާގޮތަށް ކަނޑައެޅީ ސިޔާސީ މަގުސަދެއްގައި - މެމްބަރު އިސްމާއީލް
އެކްސްކްރޯ އެކައުންޓުގައި ހުރި 1 މިލިއަން ޑޮލަރު ހޯދުމަށް ޔާމީނު ހުށަހެޅުއްވި މައްސަލަ ބެލޭނެކަމަށް ނިންމުމުން، ބޭންކުން ހައިކޯޓަށް
އެމްއާރްއެމް އުވާލުން: އިލެކްޝަންގެ ނިންމުން ގޯސްކަމަށް ނިންމައި، އެމްއާރްއެމްއަށް 50،000 ރުފިޔާ ދިނުމަށް ޙުކުމްކޮށްފި
4 މިލިއަން ރުފިޔާ ދެއްކުމަށް އާޒިމާގެ މައްޗަށް ކުރި ޙުކުމް މަޑުޖައްސާލުމުގެ އަމުރެއް
ކޯޓަށް އަދި ހުށަހެޅިފައިނެތަސް، އާޒިމާ ދައްކަވަންޖެހޭ 1.5 މިލިއަން ރުފިޔާ ހޯދުމަށް ދައުވާކުރުމަށް ދަނީ ތައްޔާރުވަމުން
އިސްލާމިކް ބޭންކުން ނަގާފައިވާ ފެސިލިޓީއަކަށް 4 މިލިއަން ރުފިޔާ ދެއްކުމަށް އާޒިމާގެ މައްޗަށް ހުކުމްކޮށްފި
އޮތޮރައިޒް ޑިސްޓްރިބިއުޓަރ ނޫން ކުންފުންޏަކުން "ކެމަލް" ބްރޭންޑު ކަމަށް ދައްކައިގެން ގެނައި ސިގިރޭޓުތައް ވިއްކުން މަނާކުރަން އަމުރެއް
ކޭޕާކްގެ އެޕާޓްމަންޓެއް ގަތް މީހަކަށް 2 މިލިއަނަށްވުރެ ގިނަ ރުފިޔާ ދެއްކުމަށް ސިވިލް ކޯޓުން ޙުކުމްކޮށްފި