މިރޯދަ މަހުގެ ތެރޭގައި ރަށްތައް ކަނޑައެޅި، ރޫޓް ފައިނަލް ކުރެވޭނެ
ސަވާދީއްތަ ދަތުރުގެ ދެވަނަ އެޑިޝަންގެ ތެރެއިން
ސަވާދީއްތަ ދަތުރުގެ ތިން ވަނަ އެޑިޝަން 2024 ވަނަ އަހަރުގެ ފެބްރުއަރީ މަހުގެ ތެރޭގައި ކުރިއަށް ދާނެ ކަމަށް އިންޓަގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ)ގެ މެނޭޖިންގ ޑިރެކްޓަރު މުހައްމަދު ރާއިދު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ރާއިދު ވިދާޅުވީ ސިލްސިލާ ގޮތެއްގައި ސަވާދީއްތަ ދަތުރު ކޮންމެ އަހަރަކު ކުރިއަށް ގެންދާނެ ކަމަށެވެ. އަދި ކުރިއަށް ގެންދެވުނު ދެ އިވެންޓަށް ވެސް ވަރަށް ބޮޑު ތަރުހީބެއް ލިބިފައިވާކަން އޭނާ ފާހަގަކުރެއްވިއެވެ.
ސަވާދިއްތަ ދަތުރުގެ 3 ވަނަ އެޑިޝަނަށް ތައްޔާރުވަމުންދާކަން ފާހަގަކުރައްވައި ރާއިދު ވިދާޅުވީ ވަރަށް ގިނަ ރަށްރަށުން ތާއީދު ލިބޭ ކަމަށާއި، ޔޮޓްތައް ބަނދަރުކުރާނެ ރަށްތައް ކަނޑައެޅުމަކީ ވަރަށް އުނދަގޫ މަސައްކަތެއް ކަމަށެވެ. އަދި ވިދާޅުވީ މިރޯދަ މަހުގެ ތެރޭގައި ރަށްތައް ކަނޑައެޅި، ރޫޓް ފައިނަލް ކުރެވޭނެ ކަމަށެވެ.
ސަވާދީއްތަ ދަތުރުގެ ސަބަބުން ފަތުރުވެރިންނަށް ވަރަށް ބޮޑަށް ރާއްޖެ ޕްރޮމޯޓް ވެގެންދެއެވެ.
ސަވާދީއްތަ ދަތުރުގެ ދެވަނަ އެޑިޝަން މާރޗް 1 އިން މާރޗް 18ގެ ނިޔަލަށް ކުރިއަށް ގެންދިޔައެވެ. މި ދަތުރުގައި 10 ރަށަކަށް ދަތުރުކޮށްފައިވެއެވެ. އެރަށްތަކަކީ ނ. ލަންދޫ، ޅ. ހިންނަވަރު، ބ. ގޮއިދޫ، އއ. ތޮއްޑޫ، އއ. ރަސްދޫ، އއ. އުކުޅަސް، އދ. ދަނގެތި، އދ. ދިގުރަށް އަދި އދ. މާމިގިިއްޔެވެ.
