އުމުރުން 27 އަހަރުގެ މީހަކު 60 ވަނަ ފަހަރަށް ހައްޔަރުކޮށްފި
އޭނާއަކީ މާލޭގައި ދިރިއުޅެމުންދާ އުމުރުން 27 އަހަރުގެ ޒުވާނެއް
ކްރިމިނަލް ކޯޓް
އުމުރުން 27 އަހަރުގެ މީހަކު 60 ވަނަ ފަހަރަށް ހައްޔަރުކޮށްފިއެވެ.
މާލޭގައި ދިރިއުޅެމުންދާ އުމުރުން 27 އަހަރުގެ އެ ޒުވާނާއަކީ ކ ގާފަރަށް ނިސްބަތްވާ މީހެކެވެ.
އޭނާ ހައްޔަރުކޮށް 5 ދުވަސް ވަންދެން ބަންދުގައި ބެހެއްޓުމަށް ކްރިމިނަލް ކޯޓުން ވަނީ އަމުރުކޮށްފައެވެ. އެގޮތުން 27 މާރޗުގެ ނިޔަލަށް ބަންދުގައި ބެހެއްޓުމަށް ވަނީ އަމުރުކޮށްފައެވެ.
ކްރިމިނަލް ކޯޓުގެ އަމުުރުގައި ބަޔާންކޮށްފައިވާ ގޮތުގައި މިފަހަރު އޭނާ ހައްޔަރުކުރީ ވައްކަމާއި މުދަލަށް ގެއްލުން ދިނުމުގެ މައްސަލައެއްގައެވެ.
އަމުރުގައި ބަޔާންކޮށްފައިވަނީ އޭނާގެ މައްޗަށް ތުހުމަތު ކުރެވޭ މިންވަރަށް ހެކި ހުށަހަޅާފައިވާ ކަމަށެވެ. އޭނާ ބަންދުގައި ބަހައްޓަން އަމުރު ކޮށްފައިވަނީ މުޖުތަމައުގެ ސަލާމަތާއި ރައްކާތެރިކަމަށްޓަކައެވެ.
އަމުރުގައި ބަޔާންކޮށްފައިވަނީ ޝަރީއަތް ކުރުމާބެހޭ ޖިނާއީ އިޖުރާއަތުގެ ޤަވާއިދުގައި ބަޔާންކުރާ ކަންކަން ފުރިހަމަވެފައިވާ ކަމަށެވެ.
