ފަތުރުވެރިއެއްގެ ދަބަހެއް ވަގަށް ނެގި މީހަކު ހައްޔަރުކޮށްފި
މައްސަލައިގައި ހައްޔަރުކޮށްފައިވަނީ 42 އަހަރުގެ ދިވެހި ފިރިހެނެއް
ފުލުހުންގެ މައި އިދާރާ
މާލޭ އާޓިފިޝަލް ބީޗުގައި އުޅުނު ފަތުރުވެރިއެއްގެ ދަބަސް ވަގަށް ނަގައި އެ ދަބަހުގައި އޮތް ކޭޝްކާޑެއް ބޭނުން ކޮށްގެން ވިޔަފާރި ކުރި މީހަކު ފުލުހުން ހައްޔަރުކޮށްފިއެވެ.
ފުލުހުން ބުނީ އެ މައްސަލައިގައި ހައްޔަރުކޮށްފައިވަނީ 42 އަހަރުގެ ދިވެހި ފިރިހެނެއް ކަމަށާއި އެ މީހާ ހޯދީ އެ މައްސަލަ ރިޕޯޓުކުރުމާ ގުޅިގެން އެ ސަރަހައްދުގައި ހުރި ސެކިއުރިޓީ ކެމެރާތަކުގެ ފުޓޭޖު ބަލައިގެން އެ މީހާ ދެނެގަތުމަށްފަހު ކަމަށެވެ.
އެ މައްސަލައިގައި ހައްޔަރު ކުރި މީހާ ވަގަށް ނެގި ދަބަހުގައި އޮތް ކޭޝްކާޑުން 5،000ށްވުރެ ގިނަ ރުފިޔާގެ ވިޔަފާރިކޮށްފައި ވާކަމަށާއި އޭނާ ގަތް މުދާ މިހާރު ފުލުހުން ހޯދާފައިވާ ކަމަށް ވެސް ފުލުހުން ބުނެފައިވެއެވެ.
ފުލުހުން އިތުރަށް ބުނީ ގަލޮޅު ޕޮލިސް އިންވެސްޓިގޭޝަނުން މި މައްސަލަ ތަހުގީގު ކުރަމުންދާ ކަމަށެވެ.
