ފުލުހުންނަށް ފިލަން އުޅުމުން ބަހެއްގައި ޖެހި އެކްސިޑެންޓް ވެއްޖެ
މި އެކްސިޑެންޓުގައި ހިމެނޭ ސައިކަލު ދުއްވަން އިނީ 18 އަހަރުން ދަށުގެ ކުއްޖެއް
ޓްރެފިކް ފުލުހުންތަކެއް
ފުލުހުންގެ ކާރެއްގައި ޖެހި އެކްސިޑެންޓުވުމުން, ފުލުހުންނަށް ފިލަން އުޅުމުގެ ތެރޭގައި ބަހެއްގައި ޖެހި 18 އަހަރުން ދަށުގެ ކުއްޖަކު އެކްސިޑެންޓް ވެއްޖެއެވެ.
ފުލުހުން ބުނިގޮތުގައި ފުލުުންގެ ކާރެއްގެ ފަހަތުން އައި ސައިކަލެއް އެ ކާރުގައި ޖެހި އެކްސިޑެންޓްވުމުން މަޑުކުރަން އެންގުމުން ވެސް މަޑުނުކޮށް ދިޔަކަމަށެވެ. އަދި މަޑުނުކޮށް ދުއްވާފައި ދަނިކޮށް އެމްޓީސީސީގެ ބަހާއި ޕޮލިސް ކާރުގައި ޖެހި އޭނާ އެކްސިޑެންޓްވެފައިވާ ކަމަށެވެ.
ފުލުހުން މައުލޫމާތު ދީފައިވާގޮތުގައި މި ހާދިސާ ހިނގާފައިވަނީ ބުދަ ދުވަހުގެ ހަވީރު 6:13 ހާއިރު ސިނަމާލެ ބްރިޖު މަތީގައެވެ.
މި އެކްސިޑެންޓުގައި އެއްވެސް މީހަކަށް އަނިޔާވެފައި ނުވާކަމަށް ފުލުހުން ބުނެއެވެ. ނަމަވެސް އެކްސިޑެންޓުގައި ސައިކަލާއި ބަހާއި ކާރަށް އެކި ވަރުގެ ގެއްލުން ވެފައިވާކަމަށް އެ އިދާރާއިން ބުނެއެވެ.
މި އެކްސިޑެންޓުގައި ހިމެނޭ ސައިކަލު ދުއްވަން އިނީ 18 އަހަރުން ދަށުގެ ކުއްޖެއް ކަމަށް ވެސް ފުލުހުން މައުލުމާތު ދެއެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
