ރާއްޖެ
އިމާރާތަކުން މީހަކު ވެއްޓުން
މާލޭގެ އިމާރާތަކުން ވެއްޓުނު މީހާ މަރުވެއްޖެ
އެއީ 32 އަހަރުގެ ދިވެހި އަންހެނެއް
ތޯހިރާ އަޒްހާރް, ރާއްޖެ އެމްވީ | 13 މާރިޗު 2023 | ހޯމަ 16:16
މާލޭގެ އިމާރާތެއްގެ މަތިން މިރޭ ވެއްޓުނު މީހާ އެމްބިއުލާންސްއަށް އަރުވަނީ
މާލޭގެ އިމާރާތަކުން މިރޭ ވެއްޓުނު މީހާ މަރުވެއްޖެއެވެ.
ފުލުހުން ބުނީ، އޭނާ އައިޖީއެމްއެޗަށް ގެންދިޔައިރުވެސް މަރުވެފައިވާކަމަށް ހޮސްޕިޓަލުން ފުލުހުންނަށް މައުލޫމާތުދީފައިވާކަމަށެވެ.
މިރޭ ހެންވޭރުގައި ހުރި ގެއަކުން ވެއްޓިފައިވަނީ 32 އަހަރުގެ ދިވެހި އަންހެނެކެވެ. މި މައްސަލަ އިތުރަށް ތަހުގީގުކުރުމުގެ މަސައްކަތް ފުލުހުން ގެންދަނީ ކުރަމުންނެވެ.
ރާއްޖެއެމްވީއަށް މައުލޫމާތު ލިބިފައިވާގޮތުގައި އޭނާ ވަނީ އެ އިމާރާތުން އަމިއްލައަށް ފުންމާލާފައެވެ. އެއީ ބަލި މީހެއްކަމަށްވެސް މައުލޫމާތުލިބެއެވެ.
