ކ. މާލެ
|
11 މާރޗް 2023 | ހޮނިހިރު 19:37
ގުރައިދޫ ދާއިރާގެ ބައި-އިލެކްޝަން ކާމިޔާބުކުރި އިބްރާހީމް ޝާޒް(ކ) އަދި ރައީސް ސާލިހް (ވ)
ގުރައިދޫ ދާއިރާގެ ބައި-އިލެކްޝަން ކާމިޔާބުކުރި އިބްރާހީމް ޝާޒް(ކ) އަދި ރައީސް ސާލިހް (ވ)
ރާއްޖެއެމްވީ
ގުރައިދޫ ދާއިރާގެ ބައި-އިލެކްޝަން
ގުރައިދޫ ދާއިރާގެ އެމްޑީޕީގެ ޓިކެޓް، ޝާޒް ކާމިޔާބުކޮށްފި
 
މިދާއިރާގެ ބައި އިލެކްޝަން އޮންނާނީ އޭޕްރީލް މަހުގެ 15 ވަނަ ދުވަހު
 
ގުރައިދޫ ދާއިރާގެ ބައި އިލެކްޝަންގައި 4 ކެންޑިޑޭޓަކު ވާދަކުރެއްވި
 
ޕްރައިމަރީ ކާމިޔާބުކުރެއްވި އިބްރާހީމް ޝާޒްއަށް 311 ވޯޓު ލިބިވަޑައިގެންނެވި

ގުރައިދޫ ދާއިރާގެ މަޖިލިސް ބައި-އިލެކްޝަން ޕްރައިމަރީ އިބްރާހީމް ޝާޒް ކާމިޔާބު ކުރައްވައިފިއެވެ.

ހޮނިހިރު ދުވަހު ކުރިއަށްގެންދިޔަ ގުރައިދޫ ދާއިރާގެ މަޖިލިސް ބައި-އިލެކްޝަން ޕްރައިމަރީގެ ނަތީޖާ ދައްކާގޮތުން، މި ޕްރައިމަރީ ކާމިޔާބުކުރެއްވި އިބްރާހީމް ޝާޒްއަށް 311 ވޯޓު ލިބިވަޑައިގެންނެވިއެވެ. އެއީ ވޯޓު ދިން މީހުންގެ 53.44 އިންސައްތައެވެ.

ގުރައިދޫ ދާއިރާގެ ބައި އިލެކްޝަންގައި 4 ކެންޑިޑޭޓަކު ވާދަކުރެއްވިއެވެ.

ކެންޑިޑޭޓް ނަންބަރު 1 - މުހައްމަދު މުސްތަފާ - 66 ވޯޓު

ކެންޑިޑޭޓް ނަންބަރު 2 - ސަލްމާން ރަޝީދު - 190 ވޯޓު

ކެންޑިޑޭޓް ނަންބަރު 3 - އިބްރާހީމް ޝާޒް - 311 ވޯޓު

ކެންޑިޑޭޓް ނަންބަރު 4 - އަބްދުﷲ ސައީދު - 15 ވޯޓު

މި ޕްރައިމަރީގައި 844 މީހަކު ވަނީ ވޯޓުލުމަށް ރަޖިސްޓްރީކޮށްފައެވެ. އަދި މީގެތެރެއިން ވޯޓު ލާފައިވަނީ 590 މީހުންނެވެ. ސައްހަ ވޯޓުގެ އަދަދަކީ 582އެވެ. ބާތިލް ވޯޓުގެ އަދަދަކީ 8އެވެ. މި އިންތިޚާބުގައި ވޯޓު ދީފައިވަނީ 69.91 އިންސައްތަ މީހުންނެވެ.

ގުރައިދޫ ދާއިރާގެ ގޮނޑި ހުސްވެފައިވަނީ، އެގޮނޑި ތަމްސީލުކުރައްވަމުން ގެންދެވި ޕީޕީއެމްގެ މެންބަރު އިބްރާހީމް ރިޒާ ފެބްރުއަރީ މަހުގެ 23 ވަނަ ދުވަހު އަވަހާރަވުމާ ގުޅިގެންނެވެ.

މިދާއިރާގެ ބައި އިލެކްޝަން އޮންނާނީ އޭޕްރީލް މަހުގެ 15 ވަނަ ދުވަހުއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އައިޝަތު ރިޔާޒް
0%
0%
100%
0%
0%
0%
ކޮމެންޓް