އާސެނަލް އޮތީ ޑިފެންސާއި އެޓޭކްވެސް ރަނގަޅު ކުރަންޖެހިފައި: ކޯޗު
10 މާރިޗު 2023 | ހުކުރު 02:39އަހަރުމެން ކޮޅަށް ވަރަށް އާދައިގެ ގޯލުތައް ދަނީ ވަންނަމުން: އާޓެޓާ
ޔޫރޮޕާ ލީގުގައި ރޭ އާސެނަލް އާއި ސްޕޯޓިން ކުޅުނު މެޗުގެ ތެރެއިން: މެޗު އެއްވަރުވީ 2-2އިން
އާސެނަލް އޮތީ ޑިފެންސާއި އެޓޭކް ވެސް ރަނގަޅު ކުރަން ޖެހިފައި ކަމަށް ކޯޗު މިކޭލް އާޓެޓާ ބުނެފި އެވެ.
އޭނާ މިހެން ބުނީ ޔޫރޮޕާ ލީގުގައި ރޭ ޕޯޗުގަލްގެ ސްޕޯޓިން ލިޒްބަންއާ ދެކޮޅަށް ކުޅުނު މެޗު 2-2އިން އެއްވަރުވުމުންނެވެ.
އޭނާ ބުނީ ރަށުން ބޭރުގައި ކުޅުނު މި މެޗަށް ޓީމު ނުކުތީ އެޓޭކްގައި ކުޅޭ މުހިންމު ހަތަރު ކުޅުންތެރިން ނުލައި ކަމަށާއި ނަމަވެސް ލިބޭ ފުރުސަތުތައް ނިންމާނުލެވޭކަން ފާހަގަވަމުންދާ ކަމަށެވެ.
މި މެޗުގެ ފުރަތަމަ ގޯލު ޖެހީ އާސެނަލްގެ ވިލިއަމް ސަލީބާ އެވެ. މެޗުގެ 22 ވަނަ މިނެޓުގައި ޖެހި މި ލަނޑަށް ފަހު ސްޕޯޓިންއިން ނަތީޖާ ހަމަހަމަކުރީ 34 ވަނަ މިނެޓުގައި ގޮންކާލޯ އިނާސިއޯ އެވެ. އެ ޓީމުން ލީޑު ނެގި ފަހު ހާފު ފަށައިގެން 10 މިނެޓު ތެރޭގައި ޕައުލީނިއޯ ޖެހި ލަނޑުންނެވެ. އާސެނަލްއަށް ނަތީޖާ ހަމަހަމަކޮށްދިނީ މެޗުގެ 62 ވަނަ މިނެޓުގައި ސްޕޯޓިންގެ މޮރީޓާ ބައިކޮޅަށް ޖެހިގޯލުންނެވެ.
