ސަރަހައްދުގެ އެހެން ޤައުމުތަކަށް ވުރެ ރާއްޖޭގެ ރެފްރީން ފެންވަރު ރަނގަޅު – ކުނޑި ސަލީމް
ފޯނޭޝަންސް ކަޕްގައި ރާއްޖޭގެ 35 އޮފިޝަލުން މަސައްކަތްކުރި
ކުނޑި އަހުމަދު ސަލީމް
ސަރަހައްދުގެ އެހެން ޤައުމުތަކަށް ވުރެ ވެސް ރާއްޖޭގެ ވޮލީބޯޅަ ރެފްރީންގެ ފެންވަރު ރަނގަޅުކަމަށް ތަޖުރިބާކާރު ރެފްރީ އަހުމަދު ސަލީމް (ކުނޑި ސަލީމް) ބުނެފިއެވެ.
ރާއްޖޭގައި ނިމުނު ފޯ ނޭޝަންސްކަޕްގައި ދިވެހި ރެފްރީން އިންސާފްކުރި ގޮތާ ގުޅޭގޮތުން ވާހަކަދައްކަމުން ސަލީމް ބުނީ ޞަރަހައްދީ ލެވެލްއަށްވުރެ ރާއްޖޭގެ ރެފްރީން އެމުބާރާތުގައި ފެނުނީ މާރަނގަޅަށް ކަމަށެވެ.
ރެފްރީކަމުގައި ސައްބީހަށްވުރެ ގިނަ އަހަރުގެ ތަޖުރިބާ ހުރި ސަލީމް ބުނީ މުބާރާތުގައި ރާއްޖޭގެ ރެފްރީން ޕްރެޝަރ ހޭންޑްލް ކުރި ކަމަށެވެ. ރާއްޖޭގެ މެޗުތައް ކުޅުނުއިރު ކޮންމެވެސް ވަރެއްގެ ޕްރެޝަރެއް ހުރިނަމަވެސް ބޮޑަތި މިސްޓޭކްތަކެއް ނަހަދާކަން އޭނާ ފާހަގަކުރިއެވެ.
ފޯނޭޝަންސް ކަޕްގައި ރާއްޖޭގެ 35 ރެފްރީން މަސައްކަތްކުރި އެވެ. ރާއްޖެއިން މުބާރާތުގައި އިންސާފްކުރީ އެފްއައިވީބީ ރެފްރީންނާއި, އޭވިސީ ރެފްރީންނާއި, ނެޝަނަލް ތިން ރެފްރީންނެވެ. މުބާރާތުގައި އިންސާފްކުރީ މުޅިންވެސް ދިވެހި ރެފްރީންނެވެ.
