ހަޔަރ އެޑިއުކޭޝަން މިނިސްޓްރީން ދެމުން އަންނަ ހުރިހާ ހިދުމަތެއް ހުޅުމާލެއަށް ބަދަލުކޮށްފިއެވެ.
ހަޔަރ އެޑިއުކޭޝަން މިނިސްޓްރީން ހޮނިހިރު ދުވަހު ކުރި އިއުލާނެއްގައި ބުނީ އާދީއްތަ ދުވަހުން ފަށައިގެން އެ އިދާރާގެ އޮފީސް ހިންގާނީ ހުޅުމާލޭ ފުރަތަމަ ފިޔަވަހީގެ އޯކިޑުމާހިނގުމުގައި ހުންނަ އުމަރު ޒާހިރު އޮފީސް އިމާރާތުގެ ފަސްވަނަ ބުރީގައި ކަމަށެވެ.
މި ބަދަލާއެކު އެ މިނިސްޓްރީގެ ކައުންޓަރުތަކުން ދޭ ހިދުމަތްތައް ދޭން ހަމަޖެހިފައިވަނީ އެ އިމާރާތުގެ ގްރައުންޑް ފްލޯގައި ހުންނަ މިނިސްޓްރީގެ ކައުންޓަރުން ކަމަށް ވެސް ވަނީ އެ އިއުލާނުގައި ބުނެފައެވެ.
މީގެ ކުރިން ހަޔަރ އެޑިއުކޭޝަން މިނިސްޓްރީ ހިންގަމުން އައީ މާލޭގެ އެކި އިމާރާތްތަކުގައެވެ.
ހަޔަރ އެޑިއުކޭޝަން މިނިސްޓްރީގެ އިތުރުން ޓްރާންސްޕޯޓް މިނިސްޓްރީ އާއި ޖެންޑާ މިނިސްޓްރީގެ ހުރިހާ ހިދުމަތެއް ވެސް މިހާރު ވަނީ ހުޅުމާލެއަށް ބަދަލުކޮށްފައެވެ.
