ކޮލަމްބިއާގެ މުޒާހަރާ: ހަތްދިހަ ނުވަ ފުލުހަކު ރަހީނުކޮށްފި

ކޮލަމްބިއާގެ ދެކުނުގެ ކަކެޓާ ޕްރޮވިންސްގައި ކުރިއަށްދާ މުޒާހަރާތަކުގައި ފުލުހަކު މަރުވެ އިތުރު 79 މީހަކު ރަހީނުކޮށްފިއެވެ.

ބުރާސްފަތި ދުވަހު މި މުޒާހަރާ ފެށީ ތެޔޮ ހޯދުމުގެމަސައްކަތް ކުރާ ކުންފުނި އެމަރަލްޑް އެނާޖީގެ ކޮމްޕައުންޑް ރައްޔިތުން ބްލޮކޭޑް ކުރުމުންނެވެ. އެމީހުން ޑިމާންޑް ކުރަމުން ދިޔައީ އެ ސަރަހައްދުގެ އާ މަގުތައް މަރާމާތުކޮށް އާ މަގުތައް ހަދަން އެ ކުންފުނީގެ އެހީތެރިކަން ހޯދުމަށެވެ.

ފުލުހުންގެ އޮފިސަރުންނާއެކު އާންމުން މަރުވެ، ތެޔޮ ފީލްޑްގައި މަސައްކަތް ކުރާ ނުވަ މީހަކު ވެސް ވަނީ އަތުލައިގަނެފައެވެ. ސޯޝަލް މީޑިއާގައި ވީޑިއޯއެއް އާންމުވެފައިވާއިރު އެވީޑިއޯއިން ފެންނަ ގޮތުގައި ރަހީނުކޮށްފައިވާ މީހުން ތޮއްޖެހިފައިވާ ކޮޓަރިއެއްގައި ގޮނޑިތަކެއްގެ ސަފުތަކެއްގައި އަދި ތަޅުގައި އިށީނދެގެން ތިއްބެވެ.

ކޮލަމްބިއާގެ ރައީސް ގުސްޓާވޯ ޕެޓްރޯ ވިދާޅުވީ އަނިޔާވެރިކަން ބޮޑުވުމުގެ ކުރިން އެމީހުން "އެފަރާތުން" ދޫކޮށްލާނެ ކަމަށް އުންމީދު ކުރައްވާ ކަމަށާއި، ރެޑްކްރޮސްގެ ސިއްހީ އެހީތެރިކަމަށް އެދިވަޑައިގެންފައިވާ ކަމަށެވެ.

މުޒާހަރާގެ ބައިވެރިންގެ ތެރެއިން ގިނަ މީހުންނަކީ ސެން ވިސެންޓޭ ޑެލް ކަގުއަން ސަރަހައްދުގެ ވަށައިގެން އެމަރަލްޑް އެނާޖީން އާ މަގުތަކުގެ އިންފްރާސްޓްރަކްޗާ ހެދުމަށް ބޭނުންވާ ރަށްރަށުގެ މީހުންނެވެ. ރޮއިޓާސް ނިއުސް އެޖެންސީން ގުޅުމުން ވެސް ތެޔޮ ކުންފުނިން ޖަވާބެއް ނުދެއެވެ.

ލޯކަލް ގަވަރމަންޓް އޮފިޝަލުން ބުނީ އެ އޮފިސަރު މަރުވީ މެޝެޓް ހަމަލާއެއްގައި ކަމަށާއި، އާންމު މީހާ މަރުވީ ބަޑިޖެހުމުގެ ސަބަބުން ކަމަށެވެ. ކޮލަމްބިއާގެ އިންސާނީ ހައްގުތަކާ ބެހޭ އޮމްބަޑްސްމަން ކާލޯސް ކަމާގޯ(މެދުވެރިއަކަށް ސައިޓްގައި ހުރި) ވިދާޅުވީ މުޒާހަރާގެ ބައިވެރިންނާ ވާހަކަ ދައްކައި، ތެޔޮ ފެސިލިޓީގައި މޮލޮޓޯވް ކޮކްޓެއިލް ޖަހަން ހުއްޓުވާފައިވާ ކަމަށެވެ.

ކޮލަމްބިއާގައި ހަކަތައާއި މައިނިންގ އޮޕަރޭޝަންތަކާ ކައިރީގައިވާ ސަރަހައްދުތަކުގައި މުޒާހަރާތައް ކުރުމަކީ އާންމު ކަމަކަށް ވާއިރު، މުޖުތަމައުތަކުން ނާއި ކުންފުނިތަކުން މަގުތަކާއި ސްކޫލްތައް ހިމެނޭ ގޮތަށް އިންފްރާސްޓްރަކްޗާ ބިނާކުރުމަށް ޑިމާންޑް ކުރެއެވެ.

ފުލުހުން ބުނީ 2016 ވަނަ އަހަރުގެ ސުލްހައިގެ އެއްބަސްވުމާ ދެކޮޅު ހެދި ފާކް ބާޣީންގެ ޚިޔާލުތަފާތުވާ ސަބްގްރޫޕެއް އެ ސަރަހައްދުގައި ތިބި ކަމަށާއި އެއީ ހަމަނުޖެހުންތައް އުފައްދަމުން ދާބައެއް ކަމަށް ވެދާނެ ކަމަށެވެ.

ވަކިން ހާއްސަކޮށް ބުރާސްފަތި ދުވަހު ހީވެސް ނުކުރާ ގޮތަކަށް ޓްވިޓާގައި ޕެޓްރޯ ވަނީ އެމަނިކުފާނުގެ ދަރިފުޅާއި ބޭބެއާ ގުޅުން ހުރި ކޮރަޕްޝަންގެ ތުހުމަތުތަކުގެ ޖިނާއީ ތަހުގީގެއް ހިންގުމަށް އެގައުމުގެ ޕްރޮސެކިއުޓާ ޖެނެރަލްގެ ކިބައިން އެދިވަޑައިގެންފައެވެ.

އެ ބަޔާނުގައި އޭނާގެ ދޮށީ ދަރިފުޅު ނިކޮލަސް ޕެޓްރޯ ބުރްގޯސް އާއި ބޭބެ ޚުއާން ފަރްނާންޑޯ ޕެޓްރޯ އުރެގޯގެ މައްޗަށް ކުރާ ތުހުމަތުތައް ކަނޑައެޅިފައި ނުވި ނަމަވެސް އޭނާ ސަރުކާރުން ރިޝްވަތުގެ ބަދަލުގައި ކުށްވެރިންނަށް އިނާޔަތް ނުދޭނެ ކަމަށް ވިދާޅުވެފައިވެއެވެ.