އިސްކަންދަރުން، ޣިޔާސުއްދީން ކޮޅަށްވެސް 18 ލަނޑު ޖަހައިފި
މޮޅާއެކު، މި ގްރޫޕްގެ އެއްވަނާގައި އޮތީވެސް އިސްކަންދަރު
އިންޓަރ ސްކޫލް 15 އަހަރުން ދަށުގެ ފުޓުބޯޅަ މުބާރާތުގެ ތެރެއިން
މިހާރު ކުރިއަށްދާ އިންޓަރ ސްކޫލް 15 އަހަރުން ދަށުގެ ފުޓުބޯޅަ މުބާރާތުގައި ޣިޔާސުއްދީން އިންޓަރނޭޝަނަލް ސްކޫލާ ދެކޮޅަށް ކުޅުނު މެޗުން ވެސް އިސްކަންދަރު ސްކޫލް ބޮޑު ތަފާތަކުން މޮޅުވެއްޖެއެވެ.
ހުކުރު ދުވަހުގެ ހަވީރު ގްރޫޕް ޑީގައި ކުޅުނު މެޗު އިސްކަންދަރުން ކާމިޔާބުކުރީ 18-0ންނެވެ. މީގެ ކުރިން މުބާރާތުގައި އަމީނިއްޔާއާ ދެކޮޅަށް ކުޅުނު މެޗުގައި އިސްކަންދަރުން ވަނީ 29 ލަނޑު ޖަހާފައެވެ. ޣިޔާސުއްދީން ކޮޅަށްވެސް ލަނޑު ޖަހައި މޮޅަށް ކުޅުނީ، އެ މެޗުގައި ވެސް މޮޅަށް ކުޅުނު ކުޅުންތެރިންނެވެ. މެޗުގައި އިސްކަންދަރުގެ ލަނޑުތައް ޖެހީ، އީތަން އިބްރާހީމް ޒަކީއާއި މުހައްމަދު އިލާން އިމްރާންއާއި ޔޫސުފް އަޔާން އާމިރުއާއި އަހުމަދު ކައިމް ޣަޔާޝްއާއި އަލީ އިލާން އަހުމަދުއާއި މުހައްމަދު ރުހަމް ނާޝިދުއާއި މުހައްމަދު ލާމިހް އިމްތިޔާޒް، އަދި އަބްދުﷲ އައިދަހް ސާޖިދުއެވެ.
މީގެ ތެރެއިން އިލާން އެކަނި ވަނީ ފަސް ލަނޑު ޖަހާފައެވެ. އަމީނިއްޔާ ކޮޅަށް 13 ލަނޑު ޖެހި އިލާން ވަނީ މި މެޗުގައި ހަތަރު ލަނޑު ޖަހާފައެވެ. އިސްކަންދަރުގެ އަޔާން ތިން ލަނޑު ޖެހިއިރު، ކައިމް ވަނީ ދެ ލަނޑު ޖަހާފައެވެ. އިލާން، ރުހަމް، ލާމިހް އަދި އައިދަހް ވަނީ ކޮންމެ ކުޅުންތެރިޔަކު ލަނޑެއް ޖަހާފައެވެ.
މި މޮޅާއެކު މި ގްރޫޕްގެ އެއްވަނާގައި އޮތީވެސް އިސްކަންދަރެވެ. އެއީ ކުޅުނު ދެ މެޗުން ހަ ޕޮއިންޓާއި ފައިދާ ލަނޑުންނެވެ.
