ހދ. ނޭކުރެންދޫގައި އެކްސިޑެންޓެއް ހިނގައިފި
އެކްސިޑެންޓް ހިނގާފައިވަނީ ބުރާސްފަތި ދުވަހުގެ ރޭ 8.30
ހދ. ނޭކުރެންދޫގައި އެކްސިޑެންޓެއް ހިނގައިފި
ހދ. ނޭކުރެންދޫގައި އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، މި އެކްސިޑެންޓް ހިނގާފައިވަނީ ބުރާސްފަތި ދުވަހުގެ ރޭ 20:30 ހާއިރު ކަމަށާއި އެކްސިޑެންޓުވެފައިވަނީ ބައިސްކަލަކާއި ސައިކަލެއްކަމަށެވެ.
އޮފިޝަލް ވިދާޅުވީ ސައިކަލުގައި ތިބީ ދެ ފިރިހެނުންކަމަށާއި، ބައިސްކަލު ދުއްވަން އިނީ އުމުރުން 17 އަހަރުގެ ފިރިހެން ކުއްޖެއްކަމަށެވެ.
މި އެކްސިޑެންޓްގައި އެއްވެސް މީހަކަށް ސީރިއަސް އަނިޔާއެއް ލިބިފައިނުވިނަމަވެސް 3 މީހުންނަށްވެސް އެކިވަރުގެ އަނިޔާތައް ލިބިފައިވާކަމަށެވެ.
އެކްސިޑެންޓުވި 3 މީހުންގެ ގައިގެ އެކިތަންތަން މަށައިގެންދިއުމުގެ ސަބަބުން ހދ. ނޭކުރެންދޫ ސިއްޙީ މަރުކަޒުގައި ފަރުވާ ހޯދާފައިވާކަމަށްވެސް ފުލުހުންވަނީ ބުނެފައެވެ.
ހދ. ނޭކުރެންދޫ ސިއްޙީ މަރުކަޒުން މި 3 މީހުން ދޫކޮށްފައިވާ ކަމުގެ މައުލޫމާތު އަދި ލިބިފައިނުވާކަމަށް ވެސް އޮފިޝަލް ވިދާޅުވީއެވެ.
މި ހާދިސާ މޯލްޑިވްސް ޕޮލިސް ސާރވިސްއިން މިހާރު ގެންދަނީ އިތުރަށް ތަޙުޤީޤު ކުރައްވަމުންނެވެ.
