ލ. މާބައިދޫގައި އައިސް ޕްލާންޓެއް ޤާއިމްކޮށް ހިންގުމަށް ފެނަކައާ ހަވާލުކޮށްފި
އައިސް ޕްލާންޓް ޤާއިމުކޮށް، ހިންގުމަށް ހަވާލުކޮށްފައިވަނީ 10 އަހަރުގެ މުއްދަތަށް
ލ. މާބައިދޫގައި އައިސް ޕްލާންޓެއް ޤާއިމްކޮށް ހިންގުމަށް ފެނަކައާ ހަވާލުކުރުން
ލ. މާބައިދޫގައި 25 ޓަނުގެ އައިސް ޕްލާންޓެއް ޤާއިމްކޮށް ހިންގުމަށް ފެނަކަ ކޯޕަރޭޝަން ލިމިޓެޑާއި ހަވާލުކޮށް އެއްބަސްވުމުގައި ސޮއިކޮށްފިއެވެ.
ފެނަކަ ކޯޕަރޭޝަންގެ ފަރާތުން އެއްބަސްވުމުގައި ސޮއިކުރެއްވީ މެނޭޖިންގ ޑިރެކްޓަރ އަޙްމަދު ސައީދު މުޙައްމަދެވެ. އަދި ލ. މާބައިދޫ ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް އިބްރާހީމް ވިސާމެވެ.
އައިސް ޕްލާންޓް ތަރައްޤީ ކުރުމަށް ޚަރަދުވާނެ ކަމަށް ލަފާކޮށްފައިވަނީ ހަތަރު މިލިއަން އަށް ލައްކަ ރުފިޔާއެވެ. އައިސްޕްލާންޓްގެ ޕްރޮޑަކްޝަން ކެޕޭސިޓީ އަކީ 25 ޓަނަށްވާއިރު ސްޓޯރޭޖް ކެޕޭސިޓީއަކީ 50 މެޓްރިކް ޓަނެވެ.
އައިސް ޕްލާންޓް ޤާއިމުކޮށް، ހިންގުމަށް ހަވާލުކޮށްފައިވަނީ 10 އަހަރުގެ މުއްދަތަކަށެވެ.
