ޖޭޕީގެ ޑެޕިޔުޓީ ލީޑަރުކަމަށް 12 ބޭފުޅުން، ކެންޑިޑޭޓުންގެ ނަންތައް ތަރުތީބުކޮށްފި
19 ފެބުރުއަރީ 2023 | އާދީއްތަ 02:07ކައުންސިލަށް ހޮވާ މެންބަރު ކަމުގެ 25 މަގާމަށް 65 މެންބަރަކު ވަނީ ކުރިމަތިލާފައި
މ.ކުނޫޒުގައި ބުދަ ދުވަހު ބޭއްވި އެ ޕާޓީގެ ކައުންސިލު ބައްދަލުވުމެއްގެ ތެރެއިން
ޖުމްހޫރީ ޕާޓީ (ޖޭޕީ)ގެ ޑެޕިއުޓީ ލީޑަރުގެ މަގާމަށް 12 ބޭފުޅަކު ކުރިމަތިލައްވައިފިއެވެ.
ފެބްރުއަރީ މަހުގެ 24 އަދި 25 ގައި ބޭއްވުމަށް ހަމަޖެހިފައިވާ ޖޭޕީގެ ކޮންގްރެސްގައި އައު ދައުރަށް ޕާޓީގެ މަގާމުތަކަށް މެންބަރުން އިންތިހާބު ކުރާނެއެވެ. އެގޮތުން ފަސް ޑެޕިއުޓީ ލީޑަރުންގެ މަގާމަށް މިދިޔަ ހަފުތާ އަންގާރަ ދުވަހުގެ ރޭ ވަނީ ހުޅުވާލާފައެވެ. އެ ފުުރުސަތު ބަންދުވީ ހޮނިހިރު ދުވަހުގެ ހަތަރެއް ޖެހިއިރު އެވެ. އަދި ހޮނިހިރު ދުވަހުގެ ރޭ ވަނީ އިންތިޚާބުގައި އެކި މަގާމުތަކަށް ވާދަކުރުމަށް ކުރިމަތިލައްވާފައިވާ ބޭފުޅުންގެ މެދުގައި ގުރުއަތު ނަގާ ނަންތައް ތަރުތީބުކޮށްފައެވެ.
ޑެޕިޔުޓީ ލީޑަރުކަމުގެ މަގާމަށް ކުރިމަތިލައްވާ މެންބަރުންގެ ނަންބަރު ތަރުތީބުވެފައިވާ ގޮތަކީ:
ޑެޕިއުޓީ ލީޑަރުގެ މަގާމުގެ އިތުރުން ކައުންސިލަށް ހޮވާ މެންބަރު ކަމުގެ 25 މަގާމަށް 65 މެންބަރަކު ވަނީ ކުރިމަތިލާފައެވެ. މިމެންބަރުންގެ ނަންތައްވެސް ވަނީ ތަރުތީބުކޮށްފައެވެ.
އެންމެ ބޭފުޅަކު ކުރިމަތިލައްވާފައި ވާތީ އިންތިޚާބެއް ނެތި ޖުމްހޫރީ ޕާޓީގެ ލީޑަރުގެ މަގާމުގެ އިތުރު ދައުރަކަށް މިހާތަނަށް އެ މަގާމުގައި ހުންްނެވި ގާސިމް އިބްރާހީމް ވަނީ އިންތިހާބުވެވަޑައިގަންނަވާފައެވެ. މީގެ އިތުރުން ޒުވާނުންގެ ލީގުގެ ރައީސް ކަމަށް ވެލިދޫ ދާއިރާގެ ކުރީގެ މެންބަރު އަބްދުﷲ ޔާމީން އާއި ޒުވާނުންގެ ލީގުގެ ނާއިބު ރައީސް ކަމަށް ޝުއައިބް ޝިފާޒް ޝަރީފް ވަނީ އިންތިހާބު ވެފައެވެ. އަދި އަންހެނުންގެ ލީގުގެ ސެކްރެޓަރީ ކަމަށް އަައިޝަތު ޝޫޒާ އަހްމަދު ވަނީ އިންތިހާބުވެފައެވެ.
