އޭސީސީން ތަހުގީގު ކުރަމުންދާ މައްސަލައަކާ ގުޅިގެން
ރައްޔިތުންގެ މަޖިލީހުގެ ވިލިނގިލީ ދާއިރާގެ މެންބަރު ސައުދު ހުސެއިން
ރައްޔިތުންގެ މަޖިލީހުގެ ވިލިނގިލީ ދާއިރާގެ މެންބަރު ސައުދު ހުސެއިން އެންޓި ކޮރަޕްޝަން ކޮމިޝަން(އޭސީސީ)އަށް ހާޒިރުކޮށްފި އެވެ.
ސައުދު އޭސީސީއަށް ހާޒިރުކޮށްފައިވަނީ އާދިއްތަ ދުވަހުގެ ހެނދުނު 11:17 އަށެވެ.
އޭސީސީއަށް ހާޒިރުވުމަށް ސައުދުގެ މައްޗަށް ނެރެފައިވާ އަމުރުގައި ބުނެފައިވާ ގޮތުގައި އޭނާ ހާޒިރުކުރަނީ ކޮމިޝަނުން ތަހުގީގު ކުރަމުންދާ މައްސަލައަކާ ގުޅިގެންނެވެ. އެ މައްސަލައާ ގުޅޭ އެއްވެސް މިންވަރެއްގެ ތަފްސީލެއް އަމުރުގައި ބަޔާންކޮށްފައިނުވެ އެވެ.
އޭސީސީގެ އަމުރާއެކު ސައުދު ކުރެއްވި ޓްވީޓެއްގައި ވިދާޅުވެފައިވަނީ، "ސިޔާސީ ތުހުމަތު ސީޒަން 2، އެޕިސޯޑް 3" އަށް އޭސީސީއަށް ހާޒިރުވާން އަންގާފައިވާ ކަމަށެވެ.
ސައުދު އޭސީސީއަށް ހާޒިރުކުރިއިރު، ހައިކޯޓުގެ ފަނޑިޔާރު ޝުޖާއު އުސްމާން އަވަހާރަކޮށްލަން ރޭވި ކަމަށް ބުނާ މައްސަލައަކާ ގުޅިގެން ސައުދުގެ މައްޗަށް ފުލުހުން ގެންދަނީ ތަހުގީގެއް ހިންގަމުންނެވެ.
ސައުދަކީ ރައީސް އަބްދުﷲ ޔާމީންގެ ސަރުކާރުގެ އެކި ކަންކަމަށް ފާޑުވިދާޅުވާތީ، ޕީޕީއެމުން މިދިޔަ އޭޕްރީލް މަހު ވަކިކޮށްފައިވާ ބޭފުކެވެ. ޕީޕީއެމުން ވަކިކުރުމާއެކު ސައުދު ސިޔާސީ މަސައްކަތްތައް ކުރައްވަމުން ގެންދަވަނީ އެ ޕާޓީގެ ކުރީގެ ރައީސް މައުމޫން އަބްދުލް ގައްޔޫމްގެ ފެކްޝަނުގަ އެވެ.
