މަތީ ތައުލީމާއި ތަމްރީނަށް ދޭ ލޯނު އެހީގެ ދަށުން، ޗެކްރިޕަބްލިކްގެ ފްލައިންގ އެކަޑަމީގައި ޕައިލެޓް ލައިސަންސް ފުރިހަމަކުރަމުންދާ ދަރިވަރުން ކޯހަށް އެންރޯލްވީއިރު އެކަޑަމީން ދޫކޮށްފައިވާ ފީ ސްޓްރަކްޗަރގައި ހިމަނާފައި ނުވާ މެޑިކަލް އަދި ވިސާގެ ޚަރަދު ހަމަޖައްސައި ދީފިއެވެ.

ހަޔަރ އެޑިއުކޭޝަން މިނިސްޓްރީން ކުރި އިއުލާނެއްގައި ބުނެފައިވަނީ، މަތީ ތައުލީމާއި ތަމްރީނަށް ދޭ ލޯނު އެހީގެ ދަށުން، ޗެކްރިޕަބްލިކްގެ ފްލައިންގ އެކަޑަމީގައި ޕައިލެޓް ލައިސަންސް ފުރިހަމަކުރަމުންދާ ދަރިވަރުން ކޯހަށް އެންރޯލްވީއިރު އެކަޑަމީން ދޫކޮށްފައިވާ ފީ ސްޓްރަކްޗަރގައި މެޑިކަލް އަދި ވިސާއަށް ދާ ޚަރަދު ކުރިން ހިމަނާފައި ނުވާކަމަށެވެ. އެހެންކަމުން ދަރިވަރުންނަށް ދޫކޮށްފައިވާ ލޯނަށް އެ ޚަރަދު އިތުރުކުރުމަށްފަހު، ލޯނުގެ އެގްރީމެންޓް އިސްލާހުކުރުމަށް ނިންމާފައިވާ ކަމަށް ހަޔަރ އެޑިއުކޭޝަން މިނިސްޓްރީން ވަނީ ބުނެފައެވެ.

އެ މިނިސްޓްރީން ބުނީ، މެޑިކަލް އަދި ވިސާ ފީ ދޫކުރެވޭނީ މި މިނިސްޓްރީން ކަނޑައަޅާފައިވާ ރޭޓުން ކަމަށާއި، މިޚަރަދު ދިނުމަށް ހަމަޖެހިފައިވަނީ 1 ޖެނުއަރީ 2022ގެ ފަހުން ކޯސް ނިމިފައިވާ އަދި ކޯސް ނިންމުމަށް ހަމަޖެހިފައިވާ ދަރިވަރުންނަށް ކަމަށެވެ.

މެޑިކަލް އަދި ވިސާ ޚަރަދަށް އެދި ފޯމު ހުށަހަޅާނީhttps://myedu.egov.mvޕޯޓަލް މެދުވެރިކޮށް ކަމަށްވެސް އެ ވުޒާރާއިން ވަނީ ބުނެފައެވެ.