ކ. މާލެ
|
9 ފެބްރުއަރީ 2023 | ބުރާސްފަތި 11:17
ޢަލީ އަލް ޝަރްކަވީ؛ ބޮޑީ ބިލްޑަރ
ބޮޑީ ބިލްޑް ކުރުން
ބޮޑީ ބިލްޑިންގގެ ހުވަފެންތައް ޙަޤީޤަތަކަށް ހެދުމަށް ކުނި ހޮވަން ދިއުން ނޫން ގޮތެއް ނެތް
 
29 އަހަރުގެ ޒުވާނާގެ ދިރުއުޅުމުގެ ކަންކަން ހަމަޖެއްސުމަކީ މިއަދު އޭނާއަށް ކުރިމަތިލާން ޖެހިފައި ވާ އެންމެ ބޮޑު ތަކުލީފް
 
ރޭގަނޑުގެ ވަގުތުތަކުގައި އޭނާއަކީ އެތައް ބައެއްގެ ތަލިން ކުޅު ހިއްކާލާ ވަރުގެ ބޮޑީ ބިލްޑަރެއް

އެކަކު އެހީ ނުވި ކަމުގައި ވީ ނަމަވެސް، ޢުއްމީދެއް ހާސިލުކޮށް، ހުވަފެންތަކުގައި އަސްލު ކުލަ ޖެއްސުމުގެ ޢަޒުމުގައި ހިތްވަރާއެކު ކުރިއަށް ގޮސް ކާމިޔާބީގެ މަންޒިލަށް ވާސިލުވާން ހުރި މީހަކީ ޚުދު އަމިއްލަ މީހާ ކަމީ ގިނަ ފަހަރަށް، ޤަބޫލު ކުރަން ޖެހިފައި އޮންނަ ހިތި ޙަޤީޤަތެކެވެ. ކުރިމަތިލާން ޖެހުނު އެފަދަ އެތައް ގޮންޖެހުމަކާއެކުވެސް އަމިއްލަ ފައިމައްޗަށް ތެދުވި، ހުވަފެންތައް ޙަޤީޤަތަކަށް ހެދުމަށް ދާ އޮހުރުވަމުން އެކަކީ މިޞްރުގެ ޒުވާން ބޮޑީ ބިލްޑަރ، ޢަލީ އަލް ޝަރްކާވީއެވެ.

ރޭގަނޑުގެ ވަގުތުތަކުގައި އޭނާއަކީ އެތައް ބައެއްގެ ތަލިން ކުޅު ހިއްކާލާ ވަރުގެ ބޮޑީ ބިލްޑަރެކެވެ. ދުވާލުގެ ވަގުތުތަކުގައި އެއީ ކުނި ހޮވާ މީހެކެވެ. ބޮޑީ ބިލްޑިންގގެ ރޮނގުން ކުރިއަށް ދިއުމުގެ ވަރުގަދަ ޢަޒުމުގައި ހުރި ޝަރްކާވީއަށް މިއަދު އެނޫން ގޮތެއް ނެތެވެ. އޭނާ އެކަން ކުރަނީ، ބޮޑީ ބިލްޑިންގގެ ތަމްރީނުތަކަށް ބޭނުންވާ ފައިސާ ލިބޭނެ ގޮތެއް ނެތިގެންނެވެ. އޭނާއަށް ސްޕޮންސަރއެއް ދޭނެ މީހަކު ނުވެގެންނެވެ.

" ބޮޑުވެގެން އައި އިރު އަހަރެން ދިޔައީ ކުނި ހޮވުމުގެ މަސައްކަތް ކުރަމުން. އާމްދަނީ ހޯދުމަށް އަހަރެން ބޭނުން ވަނީ ކުޅިވަރުގެ ރޮނގުން. އެކަމަކު، މި ނޫން މަސައްކަތަކުން އަދި އާމްދަނީއެއް ލިބޭކަށް ނެތް. އަހަރެން އަދިވެސް މި ކުރަނީ އެ މަސައްކަތް. އެހެން ވަޒީފާއެއް ލިބޭކަށް ނެތް. އެހެންވެ، ދިރިއުޅުމައިގެން ކުރިއަށް ދާން، ކުނި ހޮވުމުގެ މަސައްކަތް މި ކުރަނީ. އެއަށް ފަހު ކުޅިވަރުގެ މައިދާނުން އަހަރެންގެ އަމިއްލަ ނަފުސަށާއި، ޢާއިލާއަށް އަދި ޤައުމަށްވެސް ރީތި ނަމެއް ހޯދާ ދެވެން އޮތީ. މާތް ﷲ އިރާދަކުރެއްވިއްޔާ އަހަރެންގެ މުޅި ޢުމުރު ހުންނާނީ މި މަސައްކަތުގައެއް ނޫން. މިއަށްވުރެ ރަނގަޅު ފުރުޞަތުތައް ލިބޭނެ ނަމައޭ ވަރަށް ހިތަށް އަރާ. އެކަމަކު އަދި ނެތް މިއަށް ވުރެ ރަނގަޅު ވަޒީފާއެއް ފެންނާކަށް.
ޢަލީ އަލް ޝަރްކަވީ؛ ބޮޑީ ބިލްޑަރ

ޣަރްބިއާގައި ދިރިއުޅެމުން އަންނަ 29 އަހަރުގެ ޒުވާނާގެ ދިރުއުޅުމުގެ ކަންކަން ހަމަޖެއްސުމަކީ މިއަދު އޭނާއަށް ކުރިމަތިލާން ޖެހިފައި ވާ އެންމެ ބޮޑު ތަކުލީފެވެ. ސްޕޮންސަރއަކާ ނުލާ އެކަން ކުރުމަކީ ދަތި، އަދި އެހާމެ އުނދަގޫ ކަމެކެވެ.

ޝަރްކާވީގެ ހިތުގައި ކުޅިވަރަށް ލޯބި ޖެހުނީ ފުރާވަރު ޢުމުރުގެ ދުވަސްވަރުއެވެ. އޭގެ ފަހުން އޭނާއަކީ ސަރަޙައްދީ ފެންވަރުގެ އިތުރުން މިޞްރުގެ ޤައުމީ ފެންވަރުގައި ގިނަ ޗެމްޕިއަންޝިޕްތަކެއް ކާމިޔާބު ކޮށްފައި ވާ ކުޅަދާނަ ބޮޑީ ބިލްޑަރެކެވެ.

ޢަލީ އަލް ޝަރްކާވީއަކީ އޭނާގެ ވަޒީފާގައާއި ތަމްރީނުތަކުގައި ވަރަށް ބުރަކޮށް މަސައްކަތް ކުރާ ޒުވާނެއް. އޭނާ ބޭނުންވޭ އަމިއްލަ މީހާއަށް ކާމިޔާބު ހޯދާދީ، ޗެމްޕިއަންޝިޕް ކާމިޔާބު ކުރަން. ފަށައިގަތް ގޮތަށްވެސް ލޯކަލް ޗެމްޕިއަންޝިޕުން 1 ވަނަ ހޯދި. 3 ޗެމްޕިއަންޝިޕެއް ކާމިޔާބު ކުރި. ޤައުމީ ފެންވަރުގެ 2 ޗެމްޕިއަންޝިޕް ހިމެނޭ އޭގެ ތެރޭގަ. އޭނަ މިހާރު އެ ދަނީ ބައިނަލްއަޤުވާމީ މުބާރާތްތަކުގައި ވާދަ ކުރެވޭތޯ ބަލަމުން. އެކަމަކު، ބޮޑީ ބިލްޑިންގގެ ރޮނގުން ކުރިއަށް ދާ ވަރަށް އެހީ ބޭނުންވާނެ. ފައިސާވެސް ބޭނުންވާނެ، ހަށިގަނޑަށް ބޭނުންވާ މުހިންމު މާއްދާތައް ހޯދުން ކަހަލަ ކަން ކަމުގަ.
މުސްޠަފާ އަލް ތަމީމީ؛ ޓްރެއިނަރ-

ކުނި ހޮވުމުގެ މަސައްކަތަކީ ފަހަރެއްގައި ހަޑި މަސައްކަތެއް ނޫނެވެ. ކުށަކަށް އަރައި ނުގަނެ، ޢަބުރުވެރި ދިރިއުޅުމެއް އުޅެވޭނަމަ ކޮންމެ ކަމަކީވެސް ޤަދަރުވެރި މަސައްކަތެކެވެ. ޝަރްކާވީގެ ޢުމުރުން އެންމެ 2 އަހަރުގައި އޭނާގެ ބައްޕަ މަރުވިއެވެ. ޔަތީމުވެފައިވާ ދަރިފުޅު ގޮވައިގެން ދިރިއުޅުމައިގެން ކުރިއަށް ދިއުމަށް ޝަރްކާވީގެ މަންމަ، ކުނި ހޮވުމުގެ މަސައްކަތުގެ ތެރެއަށް ވަނެވެ. މާ ގިނަ ދުވަހެއް ނުވެ، ޝަރްކާވީވެސް އޭނާގެ މަންމައާއެކު ކުނި ހޮވުމުގެ މަސައްކަތުގެ ތެރެއަށް ވަނެވެ.

ބޮޑީ ބިލްޑިންގގެ ރޮނގުން ކުރިއަށް ދިއުމުގައި ޝަރްކާވީގެ ހިތްވަރަކަށް ވަނީ މިޞްރުގެ ވޯލްޑް ޗެމްޕިއަން އަދި 2 ފަހަރެއްގެ މަތިން މިސްޓަރ އޮލިމްޕިއާ ޗެމްޕިއަންކަން ހޯދި މަމްދޫހް އިލްސްބިއާއީ ނުވަތަ ބިގް ރެމީއެވެ. ޝަރްކާވީ އަދިވެސް ހުރީ ސްޕޮންސަރއެއް ލިބޭނެ ކަމުގެ ޢުއްމީދުގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް